Politica

Minister Maduro A Celebra Aña Nobo Chines Huntu Cu E Comunidad Chines Na Aruba


ORANJESTAD,Aruba

Minister Maduro a celebra Aña Nobo Chines hunto cu e comunidad Chines na New China Club. E mandatario a disfruta di un anochi agradable cu musica, baile y cena. Locual tabata di aprecia tambe cu durante di e anochi a presenta dos video na Papiamento den cual a brinda un splicacion na e invitadonan riba e origen di e celebracion di Aña Nobo Chines y tambe di e presencia di colonia Chines na Aruba, cu ya tey pa mas di 100 aña.

E mandatario a hiba un discurso durante cual el a recorda e palabranan di Nos Libertador: ‘Arubiano no ta solamente esun cu a nace na Aruba, sino tambe esun cu a haci Aruba su nacion y boso a haci Aruba boso cas leu for di cas’.

Na nomber di Gobierno Minister Maduro a gradici e Board Chinese Club pa e invitacion. Alabes a gradici e comunidad Chines pa nan aporte na nos comunidad y nos economia. 

Na final e mandatario a desea henter e comunidad chines un Feliz Aña Nobo yena salud, rikesa y prosperidad!


Related posts

Booshi Wever: Stilte voor de storm? nos ta den wowo di e horcan sperando mas medida ?!

EA News Author

Mientras Korsou ta comete vandalismo , Aruba ta trata e mes un topico di preocupacion sinta den parl

EA News Author

Señora mr. J.S. de Vries a keda nombra como fiscal mayor nobo pa Aruba

EA News Author

Leave a Comment