Mervin Wyatt Ras, Minister di Salud Publico, Bienestar Social y Adiccion, a expresa su profundo lamentacion tras di e insidente reciente unda un mucha chikito a keda sin supervision den un auto y posteriormente a wordo transporta cu urgencia pa IMSAN, prome di wordo treci pa Colombia pa cuido medico specialisa.
Segun e minister, aunke e cartera di enseñansa no ta bou di su responsabilidad directo, el ta considera e situacion hopi serio y doloroso. “Situacionnan asina no mester pasa. Mester tin suficiente atencion y supervision pa e muchanan cu ta den creche y otro facilidadnan di cuido,” el a indica.
Minister Wyatt Ras ta enfatisa cu ta necesario pa un investigacion completo y transparente wordo haci pa determina exactamente kico a pasa y ki tipo di paso mester wordo tuma pa preveni incidente similar den futuro.
“El no ta aceptabel cu un mucha ta keda su so. Un mucha mester semper tin supervision adecua,” e minister a subraya, señalando cu responsabilidad y control ta elemento esencial den cuido infantil.
Na e momentonan aki, e prioridad ta salud y recuperacion di e hobencito. Minister Wyatt Ras a expresa su solidaridad cu e famia afecta y a desea nan hopi forsa den e periodo dificil aki.
“El pueblo di Aruba ta hunto den oracion pa cu tur cos bay bon y pa e mucha por regresa cas sano y salvo,”