LocalFeatured

Mishi cu mucha su peso ta hopi mas halto cu 300 florin

Img 1099

Actualmente nos ta bibando den un mundo hopi cruel, sinembargo nos como medionan di comunicacion ta esun cu mester ta para pa loke ta e berdad, realidad,respet y husticia. Lamentablemente un biaha mas Aruba ta haya su mes cu un situacion tristo di abuso di mucha. Den un conferencia di prensa fundacion Mi Voz ta bo Voz di Lissette gomez a trece padilanti di un otro caso tristo cu a tuma luga.

E fundacion ta para pa e mucha , na momento cu tin abuso, mishimento of cualkier otro intento cu ta regarda abuso sexual e fundacion ta para pa e mucha. E mama di e mucha di 5 aña a yama desespera y ta conta e fundacion cu su yiu a conte cu nan a mishi cu ne y e no sa kico pa haci y no tabata sa e caminda exacto pa cana, pero si a bay polis y a bay un huisdokter pa controla su yiu, mientrastanto ainda no sa kico ta e caminda corecto pa cana. E mama di e mucha a bay polis y e denuncia a keda haci.

Loke cu tambe ta un realidad cu e mama di e mucha debe e scol, pero loke e falta pa paga ta lo minimo cu ta e 11 dianan cu e mucha a bay scol. E mama a kita su yiunan mesora na momento cu e la haya sa locual cu e mucha a bise. Dia 14 di Januari e la haya e carta for di e huisdokter y mesora e la manda e carta na e kleuterschool y nan a conseha e mama pa kita e muchanan for di e scol inmediatamente. Desde e dia ey e propietarionan di e scol no a toma e situacion aki na serio, sino e unico interes di nan banda ta pa cobra e 11 dianan di scol.

Loke cu no ta un acto normal den tipo di casonan asina, e scol mes na ningun momento a preocupa y of duna support na e mama di loke a pasa, nada di esaki a sosode. Pero si a pinta cu e mucha di 5 aña ta gaña. E status na e momentonan aki ta cu tin keho entrega tambe ta wardando un specialista pa wak e mucha y esey lo tuma luga dia 10 di febr 2021 . E caso riba su mes ta uno delicado y enbes cu e propietario di e speelschool ta mas consciente di e situacion, e no a opta pa esaki, pero cu si su dos yiunan a bay na e mama di e mucha cu a keda mishi y menasa e mama pa e cobramento di e placa di e schoolgeld y un di e yiunan ta traha na 24 ora.

Lisette Gomez di Mi Voz Ta Bo Voz ta haci un apelacion pa ban traha hunto pa soluciona e problematica aki cu ta cabando cu nos muchanan , Aruba tin hopi mucha cu trauma debi di abuso sexual y keto bay ta opta pa desvia di e caso pa un otro cos. Locual cu polis ta trahando cu ne  fundacion no sa , pero si ta ser bisa cu ta duna atencion na e situacion di e placa mas cu e situacion grave mes cu ta e mucha.

Sinembargo loke ta un realidad e proceso ta canando y asina e kinderarts manda su rapport e proseso ta sigui cana su caminda normal. Na Aruba tin un solo kinderarts cu ta atende cu tipo di casonan asina y e ta specialisa pa esaki , e huisdokter a indica loke cu e mama a bise. Abuso di mucha lamentablemente no ta facil pa prueba debi cu no tin testigo na momento cu e acto ta sosode, pesey mes e dokter ta esun cu ta hopi esencial pa cu e investigacion den tipo di casonan asina.

Den casonan asina e mucha ta conta kico ta pase , nos por crita di awe te mayan hues , castigo, pero ora ta sinta den corte bo ta scucha cu bo mester tin prueba pa bo condena un hende y no tin. Lisette Gomez ta duna di conoce cu su persona ta den un comicion a haci un investigacion y e problema di mas grandi ta cu nos tin cu cuminsa traha riba prevencion pa e casonan aki no tin cu pasa mes. Actualmente ta focus mucho loke ta bin despues , kico mester pasa despues , pero no ta focus pa ban siña nos muchanan, papia cu nos muchanan splicanan cu eynan ta bo parti priva unda cu yun hende no ta mishi y si algo mester pasa nan mester papia dibiaha. Tin casonan porehempel cu ta pasa awe pero no ta tuma e accion dibiaha y despues di algun luna ta sali afo pero ya caba ta laat debi cu no tin prueba mas. E scol no ta un scol desconoci.

Actualmente tin un keho oficial y te na e momentonan aki tur persona envolvi ta keda un sospechoso te na momento cu e caso bin dilanti cu tur e pruebanan y cu hues dicta un sentencia contrario na loke e mucha di 3 aña ta conta cu e la pasa aden.

Img 1099 Scaled

Related posts

Minister di deporte a entrega medaya na atletanan di atletismo

EA News Author

Minister Xiomara Maduro ta reacciona riba declaracion di Sindicato SPA riba Landspakket

EA News Author

Aruba One Happy Island Lions Club cu Y Delta Aruba Leo Club a hasi entrega di cuninda

EA News Author

Leave a Comment

Whatsapp Message