Den kuadro di listramentu preventivo, den oranan di anochi di djabièrnè 27 di yüni, Kuerpo Polisial Hulanda Karibense(KPCN) den kolaborashon ku Koninklijke Marechaussee(Kmar) a tene kòntròlnan riba kaya i na vários establesimentu di hóreka. A kontrolá presentenan i vehíkulonan na un total di diesdos (12) establesimentu di hóreka.
Durante di e akshon, a konfiská entre otro supstansianan probablemente narkótiko, artíkulo ku ta usa pa prepará droga pa benta, machete, bate di beisbòl i kuchú.
Tambe a detené un hòmber di inisial J.N.S.J. di 23 aña di edat pa violashon di Lei di Opio BES
KPCN ta rekordá públiko ku polis ta disponé aktualmente di un òrdu ofisial pa listramentu preventivo den e áreanan di riesgo di seguridat designá. Esaki ta nifiká ku por listra kualke persona ku ta den e áreanan aki sin ku mester tin indikashon i/òf sospecho konkreto.
Polis ta konta ku boso koperashon. Esun ku nenga di koperá ku listramentu preventivo ta kore riesgo di detenshon.
Listramentu preventivo ta keda un instrumento den e lucha kontra poseshon di arma i otro echonan kastigabel.
