Habitantenan di Boneiru ku ke traha un kas òf empresa, por hasi petishon pa e pèrmit di konstrukshon digitalmente. Entidat Públiko Boneiru ta ofresé habitantenan e posibilidat pa hasi petishon pa pèrmit di konstrukshon riba nan propio velosidat i den nan propio ambiente. Esaki por via di: https://bonairegov.com/ondernemers/vergunningen
Digitalisashon ta un prioridat di Kolegio Ehekutivo. A inkluí esaki den e programa di gobernashon i tambe den e akuerdo intergubernamental ku Hulanda. Pèrkurando ku tur servisio ta digital, kalidat di servisio di Entidat Públiko Boneiru ta mehorá. Habitantenan por monitoriá nan petishonnan i mira ki dia por spera un kontesta di Entidat Públiko Boneiru. Asinaki Entidat Públiko Boneiru ta spar papel.
Personanan ku no kier hasi petishon digital pero si personal por hasi esaki na direktorado di Planifikashon i Desaroyo na Kaya Amsterdam 21-23.