Esnan cu a sigui e reunion di parlamento riba presupuesto supletorio, a bolbe haya un show di un di e parlamentarionan. Ta trata aki di Gino Goeloe, ex-director di Wit Gele Kruis y actualmente parlamentario.
Den pasado caba a capta e parlamentario, recien cu el a drenta parlamento, ta cabisha y na soño. Awe durante e reunion riba presupuesto supletorio un biaha mas e no por a wanta su wowonan habri. No ta conoci si ta cansancio of e reunion tabata asina laaf cu el a pega soño. No ta conoci si el a cuminsa ronca tambe. Pero ta miho e bay tira un cabes y laga su coleganan avis’e ora cu e tin cu drenta sala bek pa mustra un mahos bista p’e y pa su partido FUTURO.