FeaturedSocialHulandaUncategorized

Nadien Phillip un Arubiano participando pa Miss Universe Netherlands 2025 den categoria Dutch Caribbean

Nadien

Nadien Phillip ta un Arubiano cu a caba su universidad y despues a tuma e reto pa bay sigui biba na Hulanda. Sinembargo Nadien semper tabata tin e deseo di a participa den un concurso di beyesa, pero no tabata por mirando cu e la haya yiu na un edad hopi hoben, esta 20 aña . Pa e tempo ey e reglanan pa por participa na un certamen di beyesa tabata hopi mas estricto cu awor, esaki a pone cu e no por a participa e tempo ey, pero awe tur cos a dal un buelta y su soño ta bira realidad, aunke cu e tin un yiu e por participa pa e certamen di beyesa di mas popular rond mundo. Loke ta atrae su persona ta e elegancia, e etica cu tin, pero principalmente e enseñansa cu e certamen nan aki ta bin cu ne pa su personalidad y bida.

E reglanan a cambia den 2023 y ta haci posibel cu mamanan tambe por participa den certamen di Miss Universe, sinembargo no ta esaki so tabata un punto cu Nadien no por a participa , e edad tambe a hunga un rol despues. Sinembargo aña pasa e edad tampoco no ta hunga un rol mas, debi na mas cambionan cu e organisacion a bin ta haci y a habri porta pa mamanan hoben cu nan soño por bira realidad.

Na momento cu e oportunidad a presenta Nadien no a pense dos biaha y a tuma e reto y ta forma parti di e organisacion di Miss Universe Netherlands 2025 den categoria Dutch Caribbean. E diferencia di e certamen ta cu tin un prome ronde, na Hulanda con e ta keda organisa, ta cu prome cu tin e competencia mes di Miss Universe Netherlands e organisacion ta tene diferente concurso entre e provincies nan di Hulanda y ganadoranan di cada provincies ta esun cu ta bay riba e anochi final di Miss Universe Netherlands competi cu tur e otro candidatanan y esun cu sali lo representa Hulanda internacional como e Miss Universe Netherlands 2025.

Nadien ta contento di por participa den e certamen aki , aunke cu e ta participa representando Hulanda oficialmente, semper unda cu e bay e lo representa Aruba tambe cu su papiamento, unda cu e por e lo papia su dushi papiamento paso e parti di Aruba semper lo t’ey.

E casting a tuma luga 8 di december y awor aki tin net 1 luna cu e actividadnan a cuminsa, despues di e casting tur e damanan cu ta participa ta finalista oficial di Miss Universe Netherlands Dutch Caribbean. Tin algun actividad cu a keda haci caba porehempel photoshoot y comunidad Hulandes y Caribe por vota. Tambe a haci un socialmedia workshop pa tene cuenta con mester profila online y of ora cu prensa presenta. Tambe a ricibi diferente workshop entre otro di Endy Croes cu ta un Arubiano cu ta biba na Hulanda y ta haci un tremendo trabou cu e miss nan na Hulanda pa nan sintinan mes empodera pa ta un Miss.

E plataforma Miss Universe Netherlands Dutch Caribbean tur e damanan cu ta participa ta damanan multilingual, damanan studia, damanan fuerte para den nan sapato y cu kier sigui empodera y siña mas. Miss Universe Netherlands Dutch Caribbean ta encera si bo ta naci of si bo tin mayornan cu ta di Caribe Hulandes bo lo por participa. Den grupo di participantenan di Aruba, Corsou y St Maarten. Esaki ta un sentimento bunita mirando cu ora topa cu otro ta papia papiamento, aunke cu ta leu di cas tog no ta sinti cu ta asina leu di cas.

Si e oportunidad mester presenta cu gana e certamen Nadien ta comparti cu nos plataforma cu lo e kier haci uzo di e influencia aki positivamente , pero principalmente pa motiva nos hende muhenan pa sigui padilanti y den kico cu por a pasa den dje , nunca no give up y corda semper tin oportunidad nan nobo. Tanten cu tin bida hopi cos por cambia pa miho.

Esunnan cu kier apoya Nadien Phillip y vota pa su persona den e votacionnan cu mester tuma luga pa por logra, por haci esaki libremente riba e pagina di Miss Universe Netherlands y Miss Universe Dutch Caribbean ta haya diferente link cu ta hibado riba e pagina di voting. Tambe por subi riba www.MissUniverseNetherlands.nl busca Dutch Caribbean y ta haya Nadien den e seccion cu e ta cay. Aruba corda vota y apoya Nadien Phillip pa su soño bira un realidad.

Miss Holand 1Miss Holand 2Miss Holand 3Nadien 1 1Nadien 2 1Nadien 3 1Nadien 4 1Nadien 5 1Nadien 6 1Nadien 7 1Nadien 8 1Nadien 1

ATENCION na momento di VOTA…..Importante ta na momento di votacion wak e potret y e nomber bon mirando cu Nadien Phillip tin un candidato parecido cu tambe yama Nadien… Aruba – Corsou ban vota

!Wak e diferencia aki bou !

 

Nadin Philip

Related posts

Entrante 1 di yüli 2024 e kambionan den Ordenansa di Impuesto di Turista Boneiru ta drenta na vigor

EA News Author

Presidente di “Vacation Rental Professionals Aruba”, Sjoerd de Vries ta aplaudi e iniciativa pa investigacion riba vacation rental na Aruba

EA News Author

Dellanire Maduro, lider di Fraccion di POR: Ainda no tin claridad riba e recorte di 5 miyon den fondonan di AZV

EA News Author

Leave a Comment

Whatsapp Message