Mañan Corte den prome instancia lo trata pro forma e caso contra e homber C.J.I., kende tabata ofrece su servicionan na Aruba como chaman. Ta acusa I. di violacion y abuso sexual.
Na november 2021 e sospechoso a viola y abusa sexualmente di tres persona durante su practicanan chamanistico. El a haci maluso di e autoridad cu e como chaman tabatin riba e personanan aki y tambe di e confianza cu nan a pone den dje.
Ministerio Publico ta tene cuenta cu tin posiblemente mas hende cu a bira victima di e chaman aki, pero cu no a sali pa dilanti ainda. Si abo ta un di e personanan aki y bo tin deseo di haci denuncia, bo por tuma contacto cu JZP (Jeugd en Zedenpolitie).