No ta for di awo pero for di basta tempo caba e situacion di Dump ta un punto di preocupacion pa Aruba. Hopi investigacionnan a keda haci y hopi rapport tin , pero e realidad ta cu no a trece cambio te ainda. Banda di tur esaki e ley tampoco no a keda atendi den parlamento ainda. Un situacion sigur fastioso y ta un molester pa e bisindario. Mundo henter tin cu bay den direccion di ta mas sostenibel y Aruba tambe tin e tarea aki. Kico ta loke nos falta ? kico mas mester keda haci pa logra e desaroyo aki ? Diferente mandatarionan cu a haya e cartera aki a indica, papia y a traha riba cambionan pa bin pa parkietenbos , pero esaki no ta canando manera mester ta te na e momentonan aki. Raportnan internacional a indica cu e Dump mester wordo cera, pero tampoco no a yega na e paso nan aki ainda. Kico realmente tin mannan y situacionnan stanca pa mira realmente cambionan na parkietenbos ?
