Recientemente a tuma luga un incidente den cual un politico activo tabata envolvi. Un sucedido cu lo por tin consecuencia legal serio pa e politico.
Ta trata di un politico Parlamentario cu un tempo a yega di ocupa e posicion di minister na varios ocasion.
Ta parce cu e politico pa algun tempo caba tin problema matrimonial, tanto su persona mes aparentemente lo tin amante den cadena hudicial y alabes ta sospecha cu su casa tambe tin su amante cu ta den mundo di accounting.
E confirmacion el a hay’e mas o menos dos siman pasa y e no por a wanta su rabia.
Tambe e politico aki ta conoci di ta violento cu ningun hende no kier deal cu ne.
Compaña pa su ruman muhe el a yega na un condominium na Savaneta / Pos Chikito unda cu, segun e informacion suministra na dje, su casa ta kedando cu e amante.
Aki ta caminda cu cos a bay for di man. No solamente e parlamentario a reclama e casa riba su comportacion, pero e dos rumannan a dicidi di ataca e amante poniendo golpi riba su curpa.
Dado momento e amante a logra los y a bandona e sitio lagando e pareha atras pa soluciona nan problema.
Den e mesun informacionnan ricibi por a compronde cu e amante, cu su pruebanan lo bay entrega keho contra e politico / parlamentario / ex minister mas e ruman, kende tambe a aporta na e maltrato.
Casonan asina ta dificil si no tin prueba, pero segun informacion cu a drenta nos mesa di redaccion tin prueba.
Si e victima den e caso aki e amante presenta e prueba hunto cu su denuncia,lo tin un caso mas cu e politico aki lo tin den corte di ya caba tur esnan cu e tin riba su lomba como un politico sospecha di corupcion.
Esaki por ta consecuencia serio pa e politico. Un denuncia lo por afecta su carera y lo tin impacto den campaña unda cu uzo di violencia sigur lo wordo uza contra dje unda cu su background ta lo contrario di loke e ta como persona realmente.