Den reunion publico di dia 4 di juli 2022, a trata e ley di Kinderopvang aki un biaha mas, pero e biaha aki riba algun cambio redaccional cu ta necesario pa e implementacion corecto di e ley. Awo cu esaki a keda aproba unanimamente, por cuminsa traha riba e preparacion pa e implementacion di e ley aki cu sigur ta uno hopi importante y necesario na bienestar di nos muchanan.
E ley aki ta regarda e reglamento y supervision di tur Centro di Cuido di mucha di 4 luna te cu scol basico. Desde 2019 tin un projectgroep cu actualmente ta cay bou di Ministerio di Asuntonan Social y Husticia. A traha riba varios punto y ta trahando ainda pa asina por mira un bon implementacion di e ley. Entro otro, a haci un Nulmeting den 96 Centro di Cuido (den periodo di Covid) pa cuminsa prepara con e ley lo por drenta den diferente fase y mas realistico y alcansabel pa e centro di cuidonan aki. Ademas di esaki como parti di proteccion di nos muchanan Gobierno di Aruba a haci posibel pa brinda curso di Codigo di Proteccion den tur Centro di Cuido di Mucha. Esaki ta pa asina tur centro di cuido tin e mesun hermentnan pa señala abuso di mucho di cualkier tipo na un manera rapido y sigur.
A traha boletin informativo pa e cabesantenan di Centro di Cuido di mucha. Cada 2 luna ta saca un boletin pa asina e Centronan di Cuido keda na altura di e proceso. A ofrece curso EHBO/CPR pa tur Centro di Cuido. Na januari 2022, a start e estudio MBO-niveau 3 kinderopvang pa 60 leidster di Centronan di Cuido y pa luna di december 2023 lo gradua. Ta trahando riba un handboek pa tur e Centronan di Cuido cu den practica por wordo uza door di e personal y asina tur por eherce nan trabou diariamente y riba mesun liña tambe.
Mi kier tuma e oportunidad pa elogia e projectgroep pa nan trabounan haci den un corto tempo. Tambe na tur stakeholders cu ta brinda nan aporte. Tambe gradici e crèchenan cu nan bon cooperacion y tambe e studiantenan cu ta duna di nan tempo pa tur diasabra sigui e lesnan.
Danki na Gobierno di Aruba cu ta cubri un parti di e estudio tambe. Trahando hunto den un solo direccion, nos por logra duna nos muchanan bon cuido y laga nan ta bon desaroya.