Reunionnan di presupuesto a caba, esaki a keda palabra conhuntamente unda cu parlamento completo a bay diacueredo pa haci e reunion den 5 dia unda cu lo trata dos cartera di minister pa dia. E prome mandatarionan cu a bin parlamento ta minister Rocco Tjon y Minister Glenbert Croes.
Parlamentario Hendrik Tevreden tabata e prome orador den e prome reunion cu a tuma luga. E Parlamentario Tevreden a recorda parlamento cu Gabinet e Wever Croes I atrabes di Socialcrisisplan a inverti pa instancianan traha y baha e listanan di espera pa yudansa y atende cu abusonan sexual, violencia domestic y alabes fortifica trahadornan pa por señala abusonan na tempo. Segun Tevreden awor ta den man di Gabinete Wever Croes II cu un minister nobo ta dirigi e cartera aki pa por hiba Aruba den un direccion nobo.