Den un discurso recien, Parlamentario Edgar Vrolijk a expresa su desaprobacion tocante e cambio di reunionnan publico pa reunionnan informativo den parlamento. Segun Vrolijk, e medida aki ta limita autoridad di e institucion y ta stanca e proceso di toma di decisionnan importante.
Vrolijk a enfatisa cu e situacion aki ta crea un problema cu no ta duna e pueblo e contesta cu nan merece, ya cu reunionnan informativo no ta ofrece e mesun peso politico y legal cu un reunion publico. E parlamentario a argumenta cu si tin un problema structural, e solucion mester ta un cu ta duna resultado, en bes di un simpel “tapa wowo” (solucionnan temporario) cu ta keda bini atrobe e siguiente luna.
Un di e puntonan clave cu a ser toca ta e problema di e dumpnan ilegal rondo di e isla. Vrolijk a mustra cu e situacion aki ta keda causa perhuicio na comunidad y cu e gobierno, en bes di implementa solucionnan duradero, ta sigui depende di empresanan priva pa procesamento di sushi, cual ta causa un gasto halto pa e pais. E ta urgi pa duna prioridad na fortalece e empresanan estatal y percura pa solucionnan di fondo en bes di continua cu e practica di tapa e problema temporalmente.