E siman di cultura lo no solamente conta cu charla y educacion, sino tambe cu presencia di personanan clave den mundo di folklore for di islanan ruman. Segun Ferdinand Franca, Lider Artistico di Fundacion Salvaguardia e Herencia Cultural di Aruba, esakinan ta inclui meneer Cesarrio di San Luis, ken ta un persona hopi capacita den folklore di Corsou, folklore di baile, y lo duna un charla tambe.
Ademas, e evento lo conta cu conocedonan manera meneer René Rosalia, y meneer Segni Bernardina di Boneiru, kendenan lo duna aporte na tur loke ta educacion artistico y cultural. Un di e highlightnan sorpresa di e siman ta un grupo di baile Harmonia y Gozo, bou di direccion di señor Erno y Nilva Cordelia, cu lo trece un presentacion di baile bek
Tur persona cu ta orguyoso di nan folklore, arte, y cultura ta invita pa skirbi y participa den e charlanan y tayernan. Un di e metanan principal di e proyecto ta e concepto di “train the trainers,” pa asina e personanan cu participa por sigui trein otronan despues di e siman di cultura den e barionan, manteniendo e folklore y cultura bibo pa e siguiente generacion.