PoliticaFeatured

Partido MEP: Gerlien Croes a coba buraco pa su mes cay aden

Carta Mike De Meza

Durante e ultimo simannan pueblo di Aruba por tawata testigo con Gerlien Croes, Ryçond Do Nascimiento di AVP y Marisol Lopez-Tromp tawata instiga, manipula y malinforma pueblo riba tratatamento di e schadestaat procedure den e caso di Tofanelli & Asscociates. Nan a lastra ex-minister Eddie Briesen manera nan a haya ta bon, nan a gaña y purba manipula pueblo cu e ley ta pa exonera ex-minister Briesen y tambe pa e no wordo persigui y paga bek e claim cu tin contra Land Aruba.

Den bida semper nan ta bisa cu berdad semper ta alcansa e mentira y como politico semper mester informa pueblo cu berdad. 

Diahuebs ultimo durante tratamento di e ley cu lo mester duna gobierno e machtiging pa paga e suma cu a yega na acuerdo cu ne entre Land Aruba y Tofanelli & Asscociates pueblo por tawata testigo con e mascarada di gañamento di e 3 politiconan a cay y con berdad a alcansa mentira.

Na aña 2016 Hof a duna su veredicto y a duna Tofannelli & Associates razon cu e contrato cu nan tawata tin cu Land Aruba mester a wordo honra. E sentencia aki a habri caminda pa e grupo aki demanda Land y claim dañonan cu a wordo haci na nan pa incumplimiento di e contract. 

Na dado momento na aña 2017, despues cu gobierno di AVP a dicidi pa persigui Eddie Briesen inhustamente a sabiendas cu Briesen no a haci nada incorecto, ex-minister De Meza ta dicidi pa NO sigui cu e persecusion y trek in e vrijwarimngszaak. 

El a dicidi pa haci esaki pasobra no tawata tin motibo pa sigui e caso aki mirando cu 3 huez a bisa cu Briesen no a actua empugna e ley di comptabilidad. Loke De Meza y Eman a lubida ta di informa nan coleganan jong di partido cu ta NAN mes a trek in e caso aki.

Pueblo a nota con e hala nobo (jong) di AVP cu kier core cu e biewnan a cay den e buraco cu nan mes a coba. Pa 5 siman largo nan a lastra Briesen, nan a gaña, manipula y malinforma pueblo di Aruba siendo cu e ‘’biewnan” tawata sa cu loke nan ta bisando NO ta corecto. 

Gerlien a busca te hasta un consultant pa yude deshaci di e biewnan. El a pidi e consultant conseho con e por haci pa deshaci di e imagen cu Paul Croes, Benny Sevinger, Mike Eman, Mike De Meza y Dowers a crea pa e partido. El a wordo conseha cu e unico manera ta core cu nan. Loke el a lubida ta cu e djacanan biew ta dilanti biento.

E djacanan biew cu mas experiencia cu ne a dune liñia, a lague sigui bay te hasta den reunion publico ainda Gerlien ta coba buraco pa un rato asina despues e cay aden head first.

Nan ta bisa den wega di schaak no tin burico pero aki ta muestra con Gerlien a wordo bergonsa pa su propio partido y mas tristo aun, publicamente!

E kiebro den partido AVP ta bisto pasobra algun dia despues Ryçond ta sali den nomber di Gerlien pa exigi un disculpa publico di Mike De Meza pa loke De Meza y Eman a haci cu nan di keda SIN informa nan di e carta aki y laga nan pasa hopi berguensa y cay den buraco cu nan mes a coba.

E ta bisto cu Gerlien Croes tin un meta awor, exigi cabes di Eman y bira lider di AVP y distancia su mes di Paul Croes, Benny Sevinger y tur e biewnan pasobra nan ta dańa su ‘’supuesto” bon imagen.

Related posts

Minister Xiomara Maduro a splica Parlamento kico ta wordo haci pa yega na un ‘goedgekeurde accountantsverklaring’ pa certifica e cifranan di Cuenta Anual di Pais Aruba

EA News Author

Awe 12 di mart 2021 tin 179 kaso aktivo di Covid-19 na Boneiru. Tur kaso aktivo ta trata di hende di Boneiru

EA News Author

Ta conseha pa no bay cu mucha bao di 5 aña carnaval

EA News Author

Leave a Comment

Whatsapp Message