Aunke nos ta para dilanti di un generacion rebelde y trabahoso, toch nos tin di bisa cu si mayornan no pone nan parti e asunto por bira peor di locual cu e ta.( Proverbionan 30:11-14).
Ora mayorrnan no kier tuma nan responsabilidad na serio, door di coregi y pone ordo den cas, hopi mucha ta sali for di man.
Pero Dios den su palabra a bisa lo siguiente: Boso tatanan no provoca boso yuinan na rabia, man lanta nan den e disiplina y instruccion di Señor.( Efesionan 6-4).
No tin nada ta haci un mucha mas dolor, ora su mayornan ta gañe, y no esey so, pero ora e mayornan ta gaña nan mes , sin tuma cuenta e rebeldia cu nan ta causa den nan yiu.
Ta parce cu ningun hende por sinti pa un mucha, ora su mayornan mester separa for di otro, e dolor inmenso ora e no por papia diaraimente cu su mama/ tata mas.
Awor a bira un asunto cu e tin di pidi permiso pa e bay serca su tata/mama, of wak e warda cu su tata/mama ta traha pa asina e por pasa serca dje, mientras cu tempo e matrimonio tabata completo tur dia e cu su tata/mama tabata hunga bala den cura.
No tin nada mas doloroso ora un mucha mester descubri cu su mayornan ta den adulterio, of amigonan di scol mester bise cu ken su mama ta, of cu ken su tata ta.
Laga nos no papia ora mayornan ta bebe of droga y discuti den presencia di muchanan, te yega e momento di agresion, y violencia relacional, esaki ta cosnan cu ta duel un mucha hopi.
Hopi tristo ta ora mayornan ta papia malo di otro constantemente, tin momento e mama ta descualifica su esposo totalmente como tata den bista di su yiunan, pa asina e hala e yuinan na su banda, y tin momento cu e tata ta haci mesun cos, siendo cu nan tur ta biba hunto.
Pero orguyo y arogancia hopi biaha por dividi henter un famia, especialmente ora un di e mayornan kier poder pa manipula henter e famia.
Mira yuinan ta un herencia di Señor, y fruta di barica ta un recompensa.( Salmo 127:3)
Ora un mucha rebeldia contra su mayornan e ta rebeldia contra Dios, y Dios ta stima muchanan, pesey mayornan mester ta consiente y responsabel pa nan yuinan, y no laga nan biba pa biba.
Ora mayornan ta den inmoralidad, diabel ta sera nan wowo, pasobra e kier haña muchanan tambe den su man, pasobra e no ta conforme cu e tin e mayornan, pero su plan ta pa caba cu e famia.
No ta tempo pa mayornan ta envolvi den paranda y tur otro sorto di bagamunderia, mientras cu na cas muchanan ta anhela yegada di mayornan.
Bo yiu tin mas balor cu bo auto, cas, negoshi, pesey no material na prome lugar y laga bo yiu bay perdi riba caya.
Como mayor bo ora di yega cas ta sumamente importante, pasobra si abo mes ta riba caya constant, con bo por controla bo yuinan.
Siña un mucha biba segun bo budget, y no wak kico e bisiña tin pa compara cune, siña un mucha spaar, pa e logra locual cu e tin mester.
Corda bon cu abo ta e modelo pa bo yiu,e mentor di famia, esun cu Dios a duna e encargo, pa lanta bo yuinan den e amor di Dios,y e disiplina di Su palabra.
No tin nada mas bunita ora un mayor dedica tempo na su yuinan, pasobra tur bondad cu bo sembra awe lo bo cosecha mayan cu Dios kier.