Local

Pastor Marcel Balootje: No laga mal pensamento domina bo mente


Tur loke cu ta negativo cu ta domina bo mente , ta afecta bo bida, pasobra ta esey ta maldad, pa bo pense te na ora cu bo hacie.

Hopi hende cu a haci malo of ta haciendo malo , pa hopi tempo ta cana cu e deseo, te ora cu nan comete nan bagamunderia, pesey nos mester ta masha cauteloso kico ta domina nos mente.

Wak cuanto asesinato, abuso, violacion, pedofiel, inmoralidad sexual ta tumando lugar, hasta awor tin algo na caminda cu hende ta haci cosnan inmoral y baho pero nan ,no kier wordo pa e acto wordo mira como pica , pasobra den nan grupo e ta wordo considera como algo normal. Dios spaar hende.

Pero Hesus a splika esaki bon cla den Mateo 13:36-43) kico a pasa y awor nos tur ta mira kico ta sali na cla tocante e maishi y e yerba shimaron, pasobra a yega e tempo pa tur cos wordo identifica.

Pero nos por preveni maldad pa drenta mente di hende, den nos cas y Famia y asina cuida nos yuinan.

No laga malo vence bo, ma mas bien vence malo cu bon. ( Romanonan 12:21).

Finalmente rumannan , tur loke ta berdadero, tur loke ta honorabel,tur loke ta husto,tur loke ta puro,tur loke ta bunita, tur loke ta di bon fama,si tin algun virtud, y si tin algo digno di alabansa, laga esaki ocupa boso mente.( Filipensenan 4:8).

Nos no mester permiti ningun clase di maldad, impuresa, inmoralidad goberna nos mente, pasobra esey ta bini di diabel, Dios no ta pone pensamento criminal den mente di hende.

Si bo nota cu pensamento negativo ta goberna bo mente constantemente, ta tempo pa busca oracion pa liberacion, y asina arepenti y aparta for di maldad, pasobra mañan cu bo comete un mal hecho, berguensa lo bati na bo porta, y lo bo tin pasa tempo den prison.

Pasobra e armanan cu nos ta bataya cune no ta carnal, ma poderoso den Dios pa basha e fortinan abao.

(2 Corintionan 10:4).

Warda bo curason riba tur cos pasobra e ta e fuente di bida. ( Proverbionan 4:23).

E bon hende, for di e bon tesoro di su curason, ta saca loke ta bon,y e mal hende,for di e mal tesoro, ta saca loke ta malo, pasobra for di abundacia di Curason , boka ta papia.( Lucas 6:45)

 No laga hende gaña boso. Mal compania ta daña bon custumber.Usa boso sano huicio manera mester ta  y stop di haci pica, pasobra algun no tin conocemento di Dios. (1 Corintionan 15:33-34).

Mescos cu bon amistad por aserca bo, mal amistad tambe por aserca bo, pesey ta bon pa bo cana den caminda corecto di Dios y asina bo ta evita di cay den trampa di diabel.

No laga ningun hende bisa ora cu nan wordo tenta.Mi a wordo tenta door di Dios, pasobra Dios no por wordo tenta door di maldad, y E mes no ta tenta ningun hende.(Santiago 1:13) 

Hopi hende awendia especialmente ora cu nan yiu of famia cay den un problema cu husticia , nan ta bisa cu Dios a permiti.

Dios no ta permiti maldad den bida di hende, pasobra Dios no tin nada di haci cu maldad. 

Ma cada ken ta wordo tenta ora cu e wordo atrai door di su mes pasion.( Santiago 1:14).

Dios no a manda Samson cerca Dalila, ni tampoco David cerca Betsabe,, bo ta kere Dios ta permiti un tata abusa di su propio yiu, tur e cosnan ey cu ta sosode ta maldad diabolico cu a bin ta domina mente di hende.

Related posts

Comunicado di Prensa DTI “RECORDATORIO”

EA News Author

E Arubiano News 28 november 2022 presenta pa Farrah Boekhoudt

EA News Author

Rudy Lampe RED : Ta reacciona riba prome minister

EA News Author

Leave a Comment