Local

Pastor Marcel Balootje : Pone bo bista riba dios


Feliz siman, e palabra di Dios ta recorda nos den Marco Capitulo 5 vers 4 -5 caminda  Hesus ta bisa su disipelnan pa bay den awa hundo y tira nan reda pa na cohe pisca, y Simon Pedro a contesta Maestro, henter anochi nos a pisca y no a cohe nada , pero riba Bo  palabra lo mi tira e redanan.

Hesus ta e unico Maestro berdabero, pasobra e ta e Rey di Reynan y Señor di Señornan, ningun hende no por kita su posicion, Su palabra ta su presencia, ora bo kere den su palabra , bo ta sinti su presencia, tur cos ta posibel, pasobra e ta doño di tur cos.

Nos ta bibando den un tempo caminda tin hopi hende ta cay den depression, hopi hende den problema , hopi hende cansa, pasobra tin demasiado preocupacion cu cosnan temporal, y cosnan temporal cu ta kita bo atencion for di locual Dios ta yamabo, y den cual hopi ta fiha nan bista, y ora e cos no ta bay manera nan kier nan ta bira malo, pasobra nan a kita nan bista for di riba Dios.

Pa bo yega na bendicion real pa bo bida, bo cas y bo Famia bo mester bay profundo cu Dios, ora bo ta cana den cosnan terenal, of pa bista di hende , bo ta cana den awa plat caminda tur hende por mira bo movecion , pasobra bo kier fama, bo kier demostra, bo conocemento, bo forsa, bo kier aplauso, y bo kier pa bista di hende ta riba bo.

Pero ora o kier logra algo, cual ta mustra imposibel pa hende, bo mester bay profundo cu Dios, caminda bo ta demostra Confiansa y Fe, camainda Su palabra ta bo guia, Su palabra ta bo conocemento, bo refugio, y e unico cos cu bo ta wanta na dje.

Ora bo ta desea pa Dios bendiciona bo bida  bo mester dune e prome lugar den bo curazon, bo Famia, y bo hogar, pasobra asina bo ta demostra confiansa den Señor kende ta esun cu por habri tur porta pa bo.

No ta tur cos cu Dios mustrabo bo por papia cu tur hende, pasobra tin cosnan cu e a duna bo, pa abo, awor hopi biaha ora Señor papia cu nos , nos no ta tene cuenta cu esey.Pero di berdad Dios ta exigi di nos pa nos drenta profundo cune, pa E por mustra nos e salida y e solucion pa tur cos.

Hopi hende a lubida cu keto Dios ta sana y Dios ta bendiciona, y Dios ta pone cuminda riba mesa, y cu Dios tin poder pa habri porta , pa asina finansa por move pa asina bo por cubri bo asuntonan.Pa Dios nada ta imposibel.

Bo  mester mantene bo bista riba Dios , nos ta den un tempo cu hopi hende kier ofrece cosnan cu nan mes no ta kere den dje y nan kier pa abo kere den dje,  ta tempo pa abo como cabes di cas bay profundo cu Dios, y papia cu Dios y kere den Dios, aunke bo ta mira cu otro ta haci movecion straño mantene bo bista riba Dios, y no bay tras di hende, pasobra hende ta priminti, sabiendo cu nan no por logra , y despues ta bisabo sorry, pero Dios nunca ta desfrauda bo confiansa.

Pablo ta bisa den Galatas 1 vers 6 te cu 10 hopi cla, cu nos mester agrada Dios, den tur cos, esey ta nifica drenta den awa hundo, cu Señor, demostra bo confiansa den Señor, biba pa Señor, y hopi biaha nos mester bisa no na hende, pa nos por agrada Dios.

E mesun Hesus cu a papia cu Simon Pedro ta presente awe den bo bida, pasobra pa bo mira cosnan grandi bo mester sirbi Dios di henter bo curazon y cu henter bo alma,

Sea bendiciona

Related posts

Anuncio di Morto : A fayece Lucas Werleman

EA News Author

Anuncio di morto: Hubert Luis VROLIJK mihor conoci como: Huub

EA News Author

Power Sports Aruba a inaugura e prome studio Deportivo di Aruba

EA News Author

Leave a Comment

Economia EA News