PIN a haña rason un biaha mas serka Korte di Hustisia, ku partido PIN tabatin tur derechi pa organisá un fundraising manera nos a hasié durante kampaña elektoral 2017 rondó di e aktividat di Michele Obama, kaminda nos a regalá entre nos donatùrnan un estadia VIP na Ft. Lauderdale pa e presentashon di e buki ‘Becoming’.
Si e desishon di Korte di Hustisia ta mustra, ku tin un kantidat grandi di pregunta hurídiko ku por hasi rondó di e sistema legal di fundraising di partidonan polítiko. Tin demasiado klaridat kiko si por i kiko no.
Kiko gobièrnu ta bai tolerá, esta ‘gedoog’, sikiera pa e periodo elektoral aki? Paso si no por tin ‘deurprijs’; no por tin ‘bon kuné’; etc. kiko si ta permití? Segun Korte di Hustisia, Gobièrnu no por kibra su ‘gedoogbeleid’ di años sin un periodo di traspaso i sin kumpli ku reglanan di bon gobernashon.
Kiko si por den e periodo aki? Gobièrnu mester splika!
Anto na final, Gobièrnu ta bin ku un lei pa den futuro tin klaridat i por evitá intransparensia den rekoudamentu di fondo? Nos abogado lo manda un karta pa Gobièrnu pa nos i tur otro partido polítiko- por haña klaridat mas pronto ku ta posibel.
