Featured Local

Piscadonan di Rancho hunto cu Fundacion Rancho a reuni riba malcontento di decision riba pier di Paardenbaai


ORANJESTAD, Aruba

Awe mainta piscadonan a uni hunto cu Glifford Rosa di Fundacion Rancho y a reuni riba nan malcontento pa cu decision cu lo wordu tuma di e pier na Paardenbaai.
Ta asina cu pisca pa por sobrevivi ta den nos historia y ta algo cu lo continua pa futuro. Tin botonan piscadonan cu ta sali for di pier tur mainta pa por pisca y pone pan riba mesa mas mihor bisa pa no un pero varios famia Arubiano. Glifford Rosa a duna di conose cu e reunion tabata uno fructivero y cu hopi piscado,pero tambe comedo di pisca tabata presente pa cada un duna nan opinion pa cu e situacion di e pier na Paardenbaai. Aparentemente un carta cu a ser entrega diabierna cu a pasa a pone cu a yama e reunion aki pa presenta e carta aki na tur e piscadonan y pa cuminsa uni y papia con lo por pone un paro na e decision aki pa bin cu cambio na e pier. Un area cu pa siglos tabata un area protehi y tambe uno balora dor di nos piscadonan y awor lo wordo comercialisa y aparentemente wordo parti y bendi na diferente comerciante of invercionista. Durante e siman cu ta bin lo reuni atrobe cu expertonan pa por wak e situacion y mira kico mester haci pa por tuma paso y pa entrega un carta na Gobierno di Aruba y tambe e Ministernan conserni. Con por ta asina cu lo bende un pida alma, un pida historico di Aruba cual ta nos parti di waf, paardenbaai unda cu nos grandinan a pisca y lanta diferente generacionan pa por sigui prove pa nan famia. Glifford Rosa di Fundacion Rancho hunto cu tur e piscadonan lo sigui bringa y lucha pa por conserva e pida historico aki di nos pais Aruba y pa no comercialisa esaki y duna un pida nos baranca pa plaka.

Related posts

Henter e proceso di bijstand ta mara na ley

EA News Author

Parlamentario Jennifer Arends-Reyes: Gobierno di Aruba mester pone bon cla pa Hulanda cu pueblo no tin y no lo tin e forsa financiero pa e resto di aña 2020.

EA News Author

Tur weganan di BINGO ta prohibi

EA News Author

Leave a Comment