E container di nummerplaat nobo pa Aruba a yega DIMP ayera mainta, esaki ta un proceso basta largo cu mester tuma luga pa e nummerplaat nan yega Aruba. Segun director di departamento di impuesto prome cu dicidi kico e nummerplaat lo bira pa Aruba ta sinta den un comision cu diferente instancianan concerni pa determina kico ta e diseño di e plachinan nobo pa Aruba. E plachi number aki lo dura pa 5 aña dus e ta valido di 2025 pa 2029.Departamento di impuesto a inverti hopi den sistemanan automatisa cu ta sistemanan cu por sigui e comportacion di pago di e ciudadano nan di Aruba. Mirando e inversion digital cu a tuma luga e control ta hopi mas miho y esaki ta pone cu e control nan tambe ta digital y di e manera aki ta encurasha e ciudadanonan pa paga nan plachi di number. Tambe e decision a keda cu no lo tin un plachi chikito mas , pero lo tin solamente e plachi grandi.
Plachi number nobo ta valido pa 2025-2029
