Featured Politica

Politica nobo of extension di gobierno?


E filosofo Frances Charles Montesquieu (1689-1755) tabata e inventor di e doctrina di tres podernan, miho conoci como e Trias Politica. Segun su teoria, e estado mester ta acomoda di tal forma unda e tres poderenan ta separa for di otro. Y consecutivamente pa e debido controlnan tuma luga. E Trias Politica ta dividi den e poder legislativo, e poder ehecutivo y e poder hudicial. Y asina garantisa cu e podernan no ta den man di un solo persona of un solo organisacion.

 Lamentablemente cada bes ta mas 

obvio cu e podernan no ta independiente for di otro. Loke Pueblo por a ripara cu desde un inicio di e formacion di Gabinete Wever Croes II e miembronan di Parlamento cu ta sostene gobierno ta apoya e gobernantenan ciegamente na luga di cumpli cu nan trabao di ta SIRBIDOR di Pueblo y defende na tur momento e bienestar general di Pueblo.

Transparencia ta un palabra masha uza door di e mandatarionan y parlamentarionan di coalicion, pero cu solamente ta aparece den nan diccionario. Ta un lastima cu e representantenan di Pueblo aki no ta pone esaki den practica pa cu e Pueblo y mucho menos ta vigila y salvaguardia e bienestar general di e 

Pueblo. Ta bisto pa un y tur  cu e parlamentarionan di coalicion no ta e respresentantenan di Pueblo sino nan ta un extension di e Gabinete aki.

 E Parlamentarionan cu ta sostene Gobierno ta dispone di TUR informacion facilita door di e mandatario(nan), mientras oposicion no ta ricibi TUR informacion of ta ser informa via canalnan indirecto. E discriminacion aki pa cu oposicion ta liña recto contra transparencia y bon gobernacion.

Pa un parlamentario por haci su trabou debidamente e mester ta dispone di TUR informacion pa asina e prepara su mes y forma su postura propio durante reunionnan. Ta hopi 

remarcabel pa Mira cu coalicion ta sostene concepto di Leynan sin importa nan e consecuencia nan cu esaki nan tin pa nos Pueblo. Nan ta simplemente complace cu e gobierno actual ya cu si nan no haci esaki, esaki lo por tin consecuencia pa nan. 

 Algun desaroyo absurdo cu por a tuma nota di dje den prensa ultimamente ta cu e parlamentarionan cu ta sostene gobierno a perde nocion di kico ta nan tareanan como Parlamentario y a dicidi di un tras di otro gradici, elogia y hasta labia e mandatarionan.

Pa duna un ehempel concreto, riba 18 di juli nan a dicidi di haci un fanfaria unda cu e mandatario cu tin 

Fundacion di Lotto pa Deporte bou di su encargo a anuncia cu a logra bolter e contract cu Canadian Bank Notes na beneficio di Aruba. E parti mas peculiar ta cu e anuncio aki no ta basa riba berdad, paso e negociacion apenas a inicia despues di e anuncio di e mandatario.

Si como representante di Pueblo berdaderamente bo ta ehecuta bo tarea di control mane MESTER ta, bo no lo fungi como un extension di e gobierno y tampoco como nan PR, pero den nomber di Pueblo bo mester a dirigi preguntanan cardinal na e mandatario di deporte. Entre otro:

  • Manda Parlamento e supuesto contract nobo. 

* Kico concretamente  e 

renegociacion aki ta encera na beneficio pa Pais Aruba en general y pa e deportistanan Arubano en particular? 

  • E renegociacion di e contract a costa Pueblo di Aruba placa? 

* Pueblo di Aruba mester paga  multa pa bolter e contract firma cu CBN? Si ta asina, cuanto e multa aki ta? 

 Pero colmo de los colmos ta cu niun di e parlamentarionan di coalicion kier a duna nan punto di bista si, pa loke ta trata e aumento substancial di tarifa di awa y coriente. Mucho menos nan a sali den koor pa felicita e Minister encarga cu utilidad, cu a luci un vez mas pa su ignorancia riba e tereno di energia ya cu e no a duna aprobacion 

pa Hedge y tambe el a permiti pa WEB Aruba NV den 7 luna transforma di un compania financieramente saludabel (cu un reserva di riba 150 miyon) pa uno decayente (financieramente den cora). 

Tampoco niun di e esnan den coalicion a haci nan maximo esfuerso pa ta INTEGRO cu Pueblo y informa Pueblo cu unanimamente nan a vota CONTRA di e mocion #17 di MAS, AVP y ACCION 21, durante e tratamento di Presupuesto 2022.

 Ehecutivonan di WEB Aruba NV a duna di conoce na Parlamento cu si UA y Gobierno di Aruba a aproba e peticion di WEB Aruba NV pa Hedge na December 2021, e aumento lo 

tabata solamente 5 cent entrante januari 2022 riba e tarifa di coriente pa Kw y cu no lo tabatin necesidad algun pa aumenta tarifa di awa. Atrobe nos ta mira cu pa motibo di incompetencia y nepotismo,  ta nombra un persona cu no tin conocemento di e materia den funcion di director di UA y cu ta liga na gobierno, cu e unico resultado cu Pueblo mester bai paga un prijs Hopi Caro pa nan decisionnan anti-Pueblo.

Pa finalisa mi kier enfatisa cu e aumentonan substancial pa loke ta trata utilidad ta un hecho hopi doloroso y e mas tristo di henter e desaster ocasiona door di mal maneho ta cu e gobierno actual aki y nan titerenan den Parlamento kier 

pretende di drenta laman y sali seco.  Pueblo LANTA y NO sigui permiti pa e gobierno aki sigui pone boso paga pa NAN mal maneho. 

Related posts

Hopi informashon disponibel pa prepará pa temporada di orkan

EA News Author

Minister Oduber Turismo ta registrando cifranan record! pa di 4 luna consecutivo e recuperacion ta surpasa nivelnan di aña 2019

EA News Author

Aruba Ocean Villas nombra den top hotelnan favorito pa honeymoon y bungalownan na mundo

EA News Author

Leave a Comment