Local

Presentacion di buki ‘Maraca’

Noris Van Lis Donata

Diamars awor, dia 7 di maart, di 5or pa 7or di anochi sr. Vi Frank jr. hunto cu un grupo di cursista ta presenta un buki titula: MARACA: un sentimento Caribense produci den diferente storia y poesianan local den nos Sala di actividad di Biblioteca Nacional Aruba.

E publicacion ta e resultado di e curso di skirbimento cu sr. Vi Frank jr. a duna na november 2021. Di e 11 participante, 7 a entrega un obra, sea Prosa of Poesia, pa hunto cu Vi Frank jr. produci un buki. E cursistanan a haya e curso exitoso y tabatin e deseo pa documenta e storianan, prosa y poesia pa medio di un buki. Como deadline a fiha e luna di juni 2022 pa asina duna tur tempo pa traha y entrega nan material. Tawatin den nan, algun cu nunca a skirbi un obra, pesey mester a duna tempo. Despues di varios rondo di edita, na november 2022 e buki a keda cla.

E autor/poetanan cu a contribui na e ‘Maraca’ ta Glenda Tromp, Adelaida Ponson, Noris van Lis-Donata, Dominico Werleman,  Ariana Koolman, Elienne Ratiaga y Ida Croes. Docente Vi Frank jr.

Publico ta bon bini pa forma parti di e presentacion di ‘Maraca’ diamars awor 5or.

Noris van Lis-Donata

Noris van Lis-Donata a nace na Aruba. Como mucha e tabata gusta pinta, balia y lesa buki. Ora luna ta yen, su mama tabata sinta pafo cu tur e rumannan pa nan conta storia. Despues di su estudio pa analista na Hulanda, el a sigui cu estudio di ley. Na Dept. di Enseñansa, e tabata co-autor di un buki tocante posicion huridico pa maestronan. Na 1994, el a drenta politica y a logra bira Parlamentario. Noris semper ta cla pa yuda muchanan keda riba bon caminda den bida. Na 2012 el a publica e buki ‘Ban Bisa Danki’ y despues e buki ‘Nos Gran Amigo’. Noris ta gusta storia real cu un mensahe educativo, y semper ta cla pa siña idea nobo.

Maraca Schrijvers Collage

Related posts

Arubaverse 2.0 ta impulsa San Nicolas den Era Digital

EA News Author

Adicto ambulante ta drumi riba yerbe y baña den plaza Padu den besindario di parlamento

EA News Author

5 cursonan exclusivo na Maart – April 2023 organiza pa connect2teach.us na Aruba

EA News Author

1 comment

Presentacion di buki ‘Maraca’ - EA News Aruba - Notisia 365 March 1, 2023 at 12:38 pm

[…] Source link […]

Reply

Leave a Comment

Whatsapp Message