Ayera anochi Creative World tabata esenario pa e prome presentashon di tres hoben ku a sigui e trayekto di preparashon pa yega na un karera profeshonal di kantamentu. E anochi a wordu dirigi pa Shaedra Baromeo ku a jama bon bini na e publiko despues a sigui palabranan di direktor di ACE Foundation Marlies Vels ku a splika di e projecto Career ku a keda finansia pa Fonds Podium Kunsten. E intenshon ta pa krea un hub musikal na Boneiru ku ta duna kantantenan nobo un jumpstart den nan karera musikal kanto baile of di produktor. Seguidamente Xemio Jacobs i Xechel Jacobs a splika di e trayekto kon tur kos a kana ku e preparashon di e artistanan i kon a jega na e komposishonnan i tambe kreashon di nan video clip. Deya Mensche a soru pa e trainingnan pa e artista por krea un estilo pa su mes, kon e ta bai merkadea etc. depues a sigui e momento ku tur hende a spera ora ku kada artista a haña e oportunidat di presenta nan prome kansion. Yajro, Thinsz i Fari a duna un bunita presentashon di nan kansion i a haña un tremendo resepshon di e publiko presente ku tabata nan amigu i famianan i prensa ku ta e prome nan ku por a skuchana. I duna nan opinion. Tur hende tabata aspkbra kon por a logra den apenas dos luna di tempu pa krea algu di kalidat ku e tres hobennan aki. Awor ta bai sigui ku e trayekto di preparashon mas intensivo den kual nan lo bai traha riba mas kantika i tambe nan propio konsierto i krea un tour na tur radio i ront Boneiru pa asina Boneiru konosenan poko poko. Un pabien na ACE Foundation ku e proyekto i sigur na e tres artistanan un deseo di exito.
