Tur beach na Aruba ta publico no tin beach priva y ni si un ciudadano tin un cas priva na beach, e beach ta keda publico. Tin un parti di tereno cu ta priva y e ta marca tambe te na unda e privacidad ta caba, pero e tereno nunca no ta yega te na lama. Porehempel e casnan na malmok tin nan tereno , pero e strepi cu santo blanco ta tereno publico y e beach tambe. Prome Minister Evelyn Wever Croes ta na altura di henter e polemica cu tin riba un beach dilanti di hotel , sinembargo hotelnan ta pidi precario pa nan por pone e palapas nan y esey nan ta pidi exclusivo pa nan turistanan , pero esey no ta haci cu e beach no ta publico. Segun Prome Minister Evelyn Wever Croes si mester mire teoreticamente bo por tin dos palapas y bao di e palapasnan ta e turista so por uza paso nan ta paga precario, pero memey di e palapas nan ey si tin espacio un hende kier uza esey e por haci uzo di dje. E mandatario ta na altura cu constantemente tin un tension entre e hotelnan y publico , pero e intencion no ta pa tin tension pa e turistanan, pero e hotelnan tambe mester compronde cu e beach nan ta keda publico.
Prome Minister Evelyn Wever Croes : Tur beach na Aruba ta publico y hasta e espacio memey di e palapas
