BonaireFeatured

Proximo Tayer di Restauracion di Rif na Boneiro

Dcna

Dutch Caribbean Nature Alliance (DCNA) ta excita pa anuncia e proximo Tayer di Restauracion
di Rif, cu ta tuma luga for di dia 17 pa dia 19 di juni 2024 den su oficina na Boneiro. E evento
aki lo uni interesadonan, expertonan, y practicadonan di Caribe Hulandes y mas aya pa
promove e esfuersonan di conservacion y restauracion di e rifnan di coral. Algun sesion lo ta
disponibel online pa publico.
E tayer tin como meta comparti e miho practicanan y protocolnan riba tereno di restauracion di
rif. Cu enfoke riba restauracion di coral y pisca, Reef Renewal Foundation Bonaire y Diergaarde
Blijdorp (Roffareefs). Blijdorp (Roffareefs)lo guia e tayernan di tereno practico. Tambe e tayer
lo explora e oportunidadnan di colaboracion bou di DCNA su programa di Conservacion y
Restauracion di Habitatnan Principal.
Puntonan di e tayer cu ta destaca:
• Restauracion di Coral: Perspectiva di Reef Renewal Foundation Bonaire, Caribbean Research
and Management of Biodiversity (CARMABI) y SECORE International, incluyendo fragmentacion
di coral, micro propagacion, y tecnica di propagacion di larva.
• Restauracion di Herbivoor: Van Hall Larenstein Universidad di Ciencia Aplica lo presenta nan
metodonan pa restora herbivoor nativo, manera diferente bushi di lama y especie di cocolishi. E
herbivoornan ta reduci e alganan dañino, dunando asina e coralnan un chens di sobrevivencia
mas halto.
• Restauracion di pisca: Diergaarde Blijdorp (Roffareefs) lo presenta acercamento nobo di
reproduccion di pisca, enfocando riba pisca herbivoro.
• Desove di coral riba tera: Coral Spawning Lab lo cubri tecnica di desove di coral, propagacion
di larva, y diseño di sistema nobo pa scala produccion di coral. Participacion na e tayer ta
patrocina pa Diergaarde Blijdorp.
• MPAConnect/AGRRA: Mensahe clave di Atlantic and Gulf Rapid Reef Assessment (AGRRA) /
MPAConnect tocante planificacion di Mapa di ruta pa restauracion di coral na Florida.
Join gratis online
DCNA ta trece hunto un grupo di stakeholder interesa representando e seis islanan di Caribe
Hulandes cu lo asisti na e tayer personalmente. Algun di e sesionnan tambe lo ta disponibel
gratis pa publico via Zoom. Check e agenda y inscribi aki: https://dcnanature.org/reef-
restoration-workshop/
Edicion Especial BioNoticia
Despues di e tayer, DCNA lo publica un edicion special di BioNews presentando articulo y
grabacion di algun presentacion tocante e topiconan di e tayer, brindando informacion detaya y

amplio di e conocemento adkeri durante e evento. Sigui DCNA pa mas informacion via
Facebook, Instagram of BioNews.
E tayer aki ta generosamente finansca pa Ministerio di Agricultura, Naturalesa y Calidad di
Cuminda (LNV) y apoya pa e Loteria di Codigo Postal Hulandes.

Related posts

Ban Papia di Salud Mental

EA News Author

Borderline personality disorder y bipolaridad mundialmente e cifranan ta subiendo

EA News Author

Diabierna awor Advisory Committee lo entrega su conseho final alrespecto Refineria

EA News Author

Leave a Comment

Whatsapp Message