PolicialFeaturedLocal

Recherche San Nicolas cu detencion den caso di tiramento na betonicastraat

Tio Pepe

Recientemente departamento di Recherche San Nicolas a haci un detencion den e caso di tiramento cu a tuma lugar ariba 16 december 2023 dilanti Tio Pepe Bar & Restaurant situa na Betonicastraat na Pos Chiquito.

E team di recherche San Nicolas a traha incansablemente pa pone man riba e sospechoso(nan) den e caso encuestion.

Ariba 4 mei recherche ta detene e sospechoso masculino cu ta N.W. di 17 aña di edad.

No ta descarta cu lo tin mas detencion den e caso encuestion.

RESUMEN:
Tabata diasabra madruga 16 december 2023 pa 2:58 am na unda central di polis ta wordo notifica door di Alarma Central cu lo mester tin un caso di tiramento na altura di Tio Pepe Bar & Restaurant cu ta situa na Betonicastraat na Pos Chiquito.

Patruya ta yega cu maximo urgencia na e sitio y ta bin encontra cu un auto Mini Cooper destrui. Pero no ta topa cu niun persona.
Patruya di San Nicolas ta controla y den cercania ta bin topa cu huls.

Departamento di recherche di San Nicolas como tambe polis tecnico ta presenta na e sitio pa asina haci nan investigacion.

Un rato despues central di polis ta wordo notifica cu un persona lo a yega hospital cu herida di bala den curpa.
Ta trata di victima di inicial M. di 17 aña. E victima tabata critico e tempo ey pero despues a keda invalido pa motibo di e incidente.

Cuerpo Policial ta haci un apelacion pa esun cu sa algo of a wak algo pa yama e tiplijn di polis cu ta 11141.
Bo ta keda anonimo.

Detencion Tio Pepe

Related posts

Hobennan cla pa duna Aruba un show y mensahe magico den mundo di paris

EA News Author

Corte di Prome Instancia cu algun caso pendiente diabierna awo

EA News Author

Lider di Fraccion AVP mr. Mike Eman: Rapport Banco Central ta confirma empobrecimento grave !

EA News Author

Leave a Comment

Whatsapp Message