Ku orguyo Entidat Públiko Boneiru ta anunsiá ku Regata Internashonal di Boneiru 2025 ta tuma lugá for di 6 te ku 11 di òktober 2025.
Pa organisá e punto mas haltu (highlight) anual aki, gobièrnu ta traha huntu ku dos partner importante:
Aquaspeed Bonaire – responsabel pa organisashon di e kompetensianan di deporte akuátiko.
Massive Production Bonaire B.V. – responsabel pa Festival di Regata ku músika, kultura i bida nokturno.
“Nos Regata ta un di e tradishonnan mas tesorá di Boneiru, kaminda deporte, kultura i sentido komunitario ta bini huntu,” segun Peter Silberie, diputado di Deporte i Kultura. “Ku sosten di nos partnernan nos ta anhelá un edishon vibrante i eksitoso den 2025.”
Dentro di poko nos ta anunsiá e programa kompleto, inkluso detaye di e kompetensianan i e festividatnan.
For di su promé salida Regata Internashonal di Boneiru a krese bira un balor fiho riba e kalènder kultural i deportivo di nos isla.