Despues di un inicio exitoso, e siman di reunionnan a sigui. Presidente di Parlamento, sr. Marlon Sneek, hunto cu miembronan di Comision di Relacionnan Norte America, a bishita Congreso di Merca un biaha mas pa reuni cu Miembrodi Congreso Diane Clarke, cu ta representante di e partido democrata, y ademas representante di e distrito di Brooklyn naNew York.
Congresista Clarke tin vinculonan cu Caribe y asina ta forma parti di e Caribbean Caucus. Pa Aruba ta importante pa tinrelacionnan cu e Caribbean Caucus na Congreso Mericano, como cu e miembronan aki tin mas afinidad cu e region di Caribe. Como cu nan sa kico ta e desaroyonan den Caribe y takere cu paisnan manera Aruba ta un partner berdadero di Merca, nan ta e voz den Congreso pa trece concientizacionriba temanan cu ta regarda Caribe.
Ademas a hiba conversacion na Congreso cu oficina di Senador Sheldon Whitehouse di Rhode Island. Nan tabatahopi interesa den e trabow cu Aruba a bin ta haciendo den cuadro di Financial Task Force. Senador Whitehouse a lidera diferente trajecto den Congreso pa fortalece medidanan riba anti money-laundering y pa mehora e financial task forces naMerca. Pa haci esaki, e Senador a bin cu diferente iniciativa legislativo. Claramento tabata tin hopi interes com Aruba como un isla chikito a logra asina hopi pa combati anti-moneylaundering y terrorismo financing.
Na Embahada di Reino, naunda a topa cu MinisterPlenipotenciario di Aruba, sra. Zulema Dabian-Erasmus, e delegacion di Parlamento a haya un presentacion di Dr. Evan Ellis. Dr. Ellis a elabora riba retonan geopolítico y di seguridad cu ta impacta e region di Caribe, en particular Aruba y otro islanan den Reino. Dr. Ellis a duna un visiongeneral di tur e retonan y a elabora con esakinan ta relata naotro. Na final a indica con e atencion di e Trump Administration ta awor pa e retonan aki y den cual direccinesaki por desaroya.
E ultimo reunion tabata cu sra. Barbara Feinstein, deputy assistant secretary pa Caribbean Affairs and Haiti. Aruba tin un relacion historico cu Merca y esaki ta wordo implementapa medio di State Department cu ta similar na Ministerio di Relacionnan Exterior. Un encuentro entre Parlamento y StateDepartment tabata importante, pasobra a menciona un biahamas temanan cu ta importante pa Aruba. Asina a papia hopi riba e USAID, y con e falta di e fondonan aki ta afecta Aruba, e NGO’s na Aruba y e parti di e comunidad cu tabatabeneficia di esaki.
Durante e siman cu reunionnan frutifero, miembronan di Parlamento a sera conoci cu diferente diplomaat di Embahadadi Reino. Tabata tin suficiente tempo pa hiba conbersacion cunan tambe. Tambe a encontra cu Jan Paternotte, miembro di Tweede Kamer pa D66, cu tabata na Washington D.C. pareunionnan similar.
