SocialLocal

Scirbi pa Pastor Marcel Balootje. SI NOS PIDI DIOS, DIOS TA YUDA NOS.

Pastoor Baloontje

Tur hende ta na altura, cu criminalidad a aumenta en general (mundialmente) no solamente bao di
hubentud, pasobra hende grandi tambe ta comete barbaridad, y no ta cuestion di bay para wak y
categorisa , sino cu maldad ta keda maldad, sea ta un pober a hacie, of ta un rico a hacie, bobo of un
sabi, e ta un pica den bista di Dios.
Ma un cos nos por ta sigur ,cu si nos busca Dios E ta fiel y husto, palabra di Dios ta bisa den 2
Cronicanan capitulo 7 vers 14 +15 cu Dios lo scucha nos y lo sana nos tera.
Desobedencia por costa bida of placa, den tur sentido, pasobra un yiu malcria por wordo considera cu
un edificio cu a wordo construi , pero cu despues nunca a wordo manteni, y poco poco a cay den
decadencia.
Un yiu malcria ta manera un mata planta cu nunca a hanja sosten y amor pa e crece recht, y ora e
dobla ta costa hopi pa pone para stret bek.
Malcriansa no ta cos di haci wega cune, e ta sosode ora mayor ta iresponsabel, y no ta cumpli cu su
deber sagrado di lanta su yiu den e disiplina y instruccion di Dios ( Efesionan 6:4) , y nos tur sa cu tin
hopi factor cu ta contribui na esey.
Malcriansa ta hiba na desobedencia , falta di respet, violencia , rechaso na cas, y ora esey sali na caya,
e tin hopi chens pa wordo apoya pa criminalidad.
Criminalidad ta un escogencia personal, e ta un fruta di orguyo y golosidad, cual ta un ambicion cu un
persona no por satisface, y asina e ta purba logre a base di forsa y corupcion,
Santiago capitulo 4 vers 1+2 ta bisa; Cual ta e origen di pleito y conflicto entre boso?
No ta for di boso deseonan pa placer, cualnan ta bringa den boso miembro nan ta bin?. Boso ta codicia
y boso no tin. Pesey boso ta mata y boso ta envidia y no por haña, pesey boso ta bringa y pleita. Boso
no tin pasobra boso no ta pidi.
Den tur tipo di criminalidad y inmoralidad , forsa of sabiduria terenal ta wordo aplica ( Santiago
capitulo 3 vers 15) pa asina hende por yega na locual no ta di nan y locual nan no merece.
Proverbionan 14 vers 12 y Proverbionan 16 vers 25 ta bisa mesun cos: Tin un caminda cu ta parce bon
den bista di hende, ma su fin ta e caminda di morto.
Cada biaha cu nos coopera cu maldad, y sconde cos, y tapa un tiki aki un tiki aya , nos ta coopera cu
diabel cu ta hiba na destruccion , pero cada bes cu nos confesa nos pica , nos ta rechasando diabel cu
tur su maldicionnan y nos ta aserca Dios kende ta fiel y husto pa pordona (1 Juan 1 vers 9).
Ta dificil pa mira bondad si nos no kier aparta for di maldad, y bati na porta di Dios, pasobra den
maldad no tin ningun clase di satisfaccion, pasobra semper maldad lo termina na malo, berguensa of
morto.
Y no lubida locual Hesus a bisa cu e ladron a bini pa horta , mata y destrui, pero Ami a bini pa duna
bida y bida abundante.

E temor di Señor ta conduci na bida, asina cu un hende por drumi trankil, sin miedo di maldad.(
Proverbionan 19 vers 23 ).

Related posts

Kiwanis Builders Club Filomena College Mavo awor ta un realidad

EA News Author

Casonan di variante di reino uni ta aumenta y e prome caso di variante di brazil a keda identifica

EA News Author

Un coleccion di buki pa mucha

EA News Author

Leave a Comment

Whatsapp Message