Seis studiante a slag pa e kurso Hospitality (hospitalidat). E kurso pa siña kon risibí i atendé ku bishita, ta kai bou di e kampaña ‘Ban Traha’ di Plenchi di Trabou. E entrega di diploma i sertifikadonan a tuma lugá resien den un ambiente festivo. Un gran parti di e grupo mientrastantu asta a kuminsá traha kaba.
E meta di e kurso ta pa e partisipante sigui desaroyá i despues haña trabou mas fásil. Na final di e kurso e studiantenan ta haña un IVIO-diploma komo resepshonista/telefonista. E diploma akí ta rekonosé na Ulanda.
E siguiente abilidatnan práktiko a haña atenshon durante di e kurso:
- Atenshon pa nesesidat di kliente: esaki nan a trein na bali di Divi Flamingo Beach Resort
- Siña kon atendé ku sèn na kaha
- Microsoft Outlook
- Microsoft Word
- Abilidatnan sosial
- Aktitut profeshonal
E maestronan di e kurso ta di Onderwijs Instituut Caribisch Nederland (OICN). E studiantenan a trein i haña eksperensia na Divi Flamingo Beach Resort. Un gran parti di e studiantenan a haña trabou einan mes. E sobra studiantenan ta haña yudansa di Plenchi di Trabou pa yega na un trabou den e sektor di hospitalidat i/òf horeca.
