PoliticaFeatured

Sekretario di Estado Van Huffelen ta bishitá Sint Maarten, Kòrsou, Aruba i Boneiru

Sekretario Di Estado Van Huffelen Ta Bishita Sint Maarten Korsou Aruba I Boneiru

Alexander van Huffelen, Sekretario di Estado di Relashonnan den Reino i Digitalisashon for di 20 te ku 25 di novèmber ta bishitá Sint Maarten, Kòrsou, Aruba i Boneiru. Sekretario di Estado ta papia ku mandatarionan i ta bishitá proyektonan. 

Asina e ta bishitá e National Recovery Program Bureau i e ta laga informá su mes tokante e tópiko di lèntfel/ sitio di depositá sushi na Sint Maarten. Na Kòrsou Sekretario di Estado ta papia ku representantenan di Climate Change Platform (Plataforma kambio di klima) i Profound, un organisashon Karibense relativamente yòn den sektor di IT. Tambe tin un enkuentro ku Caribbean Research and Management of Biodiversity (Carmabi) riba programa i e ta hiba kombersashon tokante e desaroyo di agrikultura inovativo. 

Na Kòrsou tambe representantenan di e paisnan i otro islanan den e parti Karibense di Reino ta bini huntu pa huntu ku Sekretario di Estado bai den kombersashon tokante e historia di sklabitut. Nan ta papia e ora ei entre otro tokante kon pa duna kontenido na e aña konmemorativo di sklabitut den 2023. 

Sekretario di Estado na Aruba ta bishitá e Archivo Nacional Aruba (ANA). E biahe ta klousurá na Boneiru, kaminda sekretario di estado entre otro lo bishitá esnan perhudiká dor di e molèster di awa resien i lo haña splikashon di e situashon di e damnan. 

Related posts

Mr. Ady Thijsen a bira president di Comite Ehecutivo di OCTA

EA News Author

Ideologia di genero ta atacando e famia y nos scolnan

EA News Author

Awe e prome reunion di IPKO lo tuma luga na Hulanda

EA News Author

Leave a Comment

Whatsapp Message