Un seminario educativo di agricultura lo tuma luga na Aruba, dedica specialmente na hobennan. E iniciativa aki ta wordo lidera pa e agricultor di Corsou, Hendsley Martina. E meta di e evento aki ta pa educa y transforma e participantenan den nan comportacion tocante agricultura y produccion di nan mes cuminda, pa asina combati e problema di pobresa y scarsedad di alimento na Aruba.
E seminario ta destina pa hobennan di tur edad. Durante e sesionnan, e participantenan lo siña tocante e plantamento y produccion di nan mes cuminda. Ademas, e programa ta promove balornan principal manera cuido, amor y responsabilidad, hunto cu e speransa pa un miho futuro.
Segun investigacionnan, e hobennan cu ta participa den agricultura ta mustra un miho prestacion escolar, ta mas motiva y tin mas facilidad pa alcansa nan metanan.
Informacion importante:
• Inicio: 20 di juli, 2026.
• Gruponan: E curso/workshop ta conta cu diferente grupo.
• Inscripcion: Pa mas informacion y pa inscribi, por tuma contacto via e number di telefon 560-0911.
Den e programa aki, e hobennan lo siña desde e proceso di simia te ora cu e planta duna fruta, incluyendo con pa prepara e tera y e cuido necesario pa e mata.
