E situacion di pandemia rond mundo no ta un situacion cu nos tur a premira. Sinembargo mundo ta pasando den situacionnan delicado y Aruba tambe ta forma parti di e mundo afecta dor di e Pandemia di COVID-19 y otro virus di inglatera cu ta drenta Aruba.
Sinembargo na momento cu ta scoge pa ta un ambtenaar tin su partinan bon pero tin su partinan fastioso tambe. Un ambtenaar ta un trahado publico, dus duna e servicio na e comunidad di Aruba, esaki ta loke cu e trahadonan di gobierno su tarea ta.
Awe mainta por a tuma nota cu bao guia di sindicato SEPPA busnan no por a sali den e oranan stipula pa e studiantenan por yega nan scol. Mirando cu e trahadonan ta protestando pa e 12.6% cu a ser pidi pa colabora mirando den e situacion cu Aruba ta na e momentonan aki bao di e crisis.
Por tuma nota cu e trahadonan no ta desea esaki. Sinembargo si cada trahado duna nan aporte por sigui hiba Aruba padilanti. Sinembargo di otro banda por a compronde cu gerencia di Arubus y of gobierno no a sinta cu e trahadonan pa splica dicon y pa kico lo mester tuma e 12.6% aki.
Loke cu ta un realidad cu ta na mesa ta yega na un solucion mutuo pa trabao por sigui normal y ta preveni cu tin tipo di protestanan asina cu ta perhudica e studiantenan mainta tempran pa nan por yega nan scol.
Awe mainta cu un bendicion di yobida hobennan a keda para bao awasero pa warda nan bus cu no a sali na e ora stipula , pero cu pa 7:30 tur bus a sali pa nan ruta normal.
