Na luna di yüni último, Tourism Corporation Bonaire (TCB) a duna rekonosementu na 7 bishitante komo embahador di Boneiru den kategoria di plata i oro.
Den kategoria di plata a duna rekonosementu na Carol i Wayne Farmer, ku ta bishitando Boneiru pa 19 aña. Esaki a tuma lugá na Captain Don’s Habitat, den presensia di sra. Claire Thielman-Sealy, gerente di e hotel akí.
Nick i Britta Monaco a risibí feneta di oro i tambe Conny i Jan van der Poll di Hulanda ku ta bishitando nos isla pa 25 aña. Diane Fisher tambe a keda honrá pa su 20 aña di bishita na Boneiru.
Remarkabel ta ku e pareha van der Poll prosedente di Hulanda tin varios amistat na Boneiru, entre nan pareha Faber i tambe Bòi Antoin. E último akí tabata presente tambe na momentu di nan rekonosementu komo embahador di Boneiru.
Na nòmber di gerensia di TCB, Helen Mercera a ofisialisá e seremonianan di rekonosementu i a hasi entrega di e sertifikadonan i fenetanan korespondiente na tur e embahadornan.
