Comerciantenan den nos centro di ciudad, Caya Grandi, ta lanta nan bos den preocupacion pa e estado actual di e zona comercial. Mardjori Vermeer, un comerciante cu añanan di trayectoria, a comparti su preokupacionnan tocante e falta di atencion pa e zona y e caida di e fluho di bishitante.
Segun Vermeer, e parti unda su negoshi ta situa ta sufriendo un decadencia visibel. E factornan cu el a señala
Edificionan deteriora: Falta di mantencion den e infrastructura, cu no ta crea un ambiente pa e bishitante yega.
Falta di Fluho: E comerciantenan ta sinti cu e clientela y turistanan no ta yegando e zona aki mas manera tabata sosode den pasado.
Perdida di Encanto: E centro di ciudad a perde su “atractivo” y su funcion di antes como e curason comercial di Aruba.
Pa trece bida bek na Caya Grandi, Vermeer ta propone algun strategianan:
Eventonan Cultural: Organisacion di eventonan cu ta atrae tanto local como turista, manera “showcases” y festivalnan cu por motiva e publico pa bishita e area atrobe.
Maneho di Infrastructura: Inversion den drecha e edificionan y crea un ambiente mas dinamico y sigur.
Cooperacion: Un esfuerso conhunto entre gobierno y comerciantenan pa stimula e economia local den e centro.
Vermeer ta enfatisa cu e esfuerso aki tin cu ta sostenibel y cu mester di un vision claro pa re-inventa Caya Grandi como e destino di bishita cu e tabata anteriormente. Sin un plan structura y cooperacion di tur partidonan concerni, e comerciantenan ta teme cu e “Curason di nos ciudad” lo sigui perde su balor.
