Como invitado especial di Lebuinuskerk, artistanan local di tur nivel – cada un cu nan mes estilo – lo sketch portret di e publico presente riba 8, 9, 10 y 11 di December, bou di guia di e famoso artista Caribeño GN (GN: https://kreolmagazine.com/culture/art/gustave-nouel-a-modern-art-virtuoso/#.Y4OtnGXMK3A).
Durante e ‘kerstmarkt’ aki den Lebuinuskerk, e artistanan local, como ‘regalo di Pasco’, lo purba hasi hende contento cu ‘quick sketch’ di portret, manera sa hasi tambe na Paris, Madrid, New York y hopi otro cuidad of pais turistico…
Ainda tin luga pa algun artista den e ‘Mini-Montmartre’ especial aki. Artistanan interesa cu kier participa den e ‘stunt’ artístico aki, por tuma contacto cu e artista Arubano Gustave Nouel via email: gn140154@gmail.com, of via Lebuinuskerk (koster@ lebuinuskerk.nl).
Publico por laga hasi un quicksketch promocional ‘gratis’ y sin ningún compromiso di e ‘artista’ cu e mes ta scohe durante e ‘kerstmarkt’ aki. Contacto y química valioso por surgi entre publico y e artistanan. Esnan cu ta contento cu e arte, por dicidi cuanto nan kier regala e artista pa e sketch, como ‘regalo di Pasco’.
Segun e artista Arubano GN. (www.gustavenouel.nl), un isla turistico cu plan desde siglo pasa pa bira un Capital Cultural internacional den Caribe manera Aruba. Cu tin e potencial y talento local tambe pa por bira un Capital Cultural, por bira un pais lider den actividadnan artistico internacional manera ‘Montmartre’, den Caribe.
