Local

SNBA ta gradici e comunidad di Aruba pa e apoyo

Snba Ta Gradici E Comunidad Di Aruba Pa E Apoyo.3

Un ambiente tremendo tabata tin diadomingo 24 September durante e evento organisa pa San Nicolas Business Association (SNBA) “Say Yes to Secrets”. Durante e actividad aki, comunidad di Aruba a wordo invita pa firma e lista di apoyo pa e proyecto di Secrets Hotel por continua. 

Un publico grandi a asisti durante e evento cu a cuminsa 4or di atardi y a sigui te cu 11or di anochi. 

Gruponan musical manera Tsunami, Buleria, Shine Music y Dj’s manera  JB&F-Mini D y Metropolis a percura pa un anochi di ambiente. E publico tambe a disfruta di dushi cumindanan tipico caribense di San Nicolas.  

Como un organisacion cu ta traha y enfoca riba e progreso comercial di  San Nicolas, SNBA ta sumamente gradicido cu e sosten cu a ricibi na e evento di clausura. E proyecto di Hotel na San Nicolas ta uno hopi importante pa e desaroyo y crecemento economico di San Nicolas pero tambe pa henter e pais. Inicialmente e hotel aki lo trece un 30 miyon di florin directamente den nos economia.

E proyecto hotelero aki tin como meta di haci un impacto positivo den tres manera fundamental: genera oportunidadnan di empleo, contribui na e economia local, y fomenta e crecemento socio-cultural den e comunidad.

 E contruccion y operacion di e hotel sin duda lo stimula e economia di Aruba door di mas benta di productonan y servicionan local. Ademas di crea trabou nobo durante e fase di construccion y operacion, e proyecto aki lo genera entrada di impuesto cu ta agrega balor na pais Aruba. E presencia di e hotel no solamente lo crea oportunidadnan di trabou directo, pero tambe stimula trabounan indirecto via proveedornan local, companianan di servicio, tienda y varios otro sectornan. Ta  premira tambe cu e hotel lo atrae mas turista den e area,stimulando actividadnan economico y cultural cu na su turno lo beneficia negoshi nan local ya existente. 

Mas aleu,  Hotel Secrets tin planes pa dedica na iniciativanan social y caritativo, manera duna sosten na scolnan, institutonan social y participacion den beach cleanups. 

Riba e potretnan por mira e cantidad di publico cu a bin apoya y bisa “Si” na San Nicolas pero tambe pasa un dushi tempo cu famia y amigonan. Segun e presidente di Associacion di negoshi di San Nicolas, nan a surpasa e cantidad di 5.000 firma e anochi aki.  “Nos ta gradici tur esnan cu a bin San Nicolas pa firma pa apoya e proyecto y San Nicolas alaves.”

Snba Ta Gradici E Comunidad Di Aruba Pa E ApoyoSnba Ta Gradici E Comunidad Di Aruba Pa E Apoyo 1

Related posts

Fase 1 di e proyecto di renobacion di ayo a wordo completa

EA News Author

Pastor Marcel Balootje: Awor ta tempo pa demostra e amor di Dios

EA News Author

Rotary Club Aruba ta felicita Club Kibrahacha 60+ cu nan di 35 aniversario

EA News Author

Leave a Comment

Whatsapp Message