Featured Local

Tayer pa docente


Biblioteca Nacional Aruba ta presenta su evento  anual, Festival di Buki pa Mucha, dianan 8 pa 12 di november benidero. Den cuadro di e preparacionan biblioteca ta ofrece un workshop na e maestronan di scolnan primario, basico y special.  E meta di e workshop ta pa duna guia y idea na e maestro con pa stimula mucha pa lesa mas y lesa hunto den klas pa medio di un presentacion online. Esaki ta accesibel for di dia 27 di september 2021 riba biblioteca su website y YouTube channel. (www.bibliotecanacional.aw)

Facilitadornan pa e tayer ta sr. Mirto Laclé, sr. Richard Dabian y sra. Rosy Abreu. Tambe e tayer  ta ofrece inspiracion na maestro/a con pa incorpora e tema den contamento di storia y otro expresionnan creativo pa cu e tema. Docentenan cu ta registra ta haya mas informacion via email.

Biblioteca Nacional Aruba ta ofrece mas informacion tocante e festival pa medio di su website. Pa pregunta riba e organisacion por email sra. Yosmar Maduro-Sneek, y.sneek@bibliotecanacional.aw of yama tel. # 528 1539.

Related posts

Awe 24 di febrüari 2021 tin 22 kaso aktivo di COVID-19 na Boneiru

EA News Author

AZV lo por manda solamente pashent Hulanda pa tuma nan tratamento

EA News Author

Minister Xiomara Maduro a splica Parlamento kico ta wordo haci pa yega na un ‘goedgekeurde accountantsverklaring’ pa certifica e cifranan di Cuenta Anual di Pais Aruba

EA News Author

Leave a Comment