Tentatief otro siman diabierna lo por tin eleccion pa presidente di sindicato SINBA

EA News por a combersa cu Vice Presidente di sindicato SINBA Jonathan Ramada unda cu ta gradici tur hende cu tabata presente na e reunion di sindicato SINBA, esaki ta e prome reunion cu a tuma luga den aña 2023. E meta ta pa por yega na un eleccion pa un directiva nobo y esaki ta despues di 4 aña despues di e ultimo eleccion. E parti positivo di esaki ta cu tabatin varios persona cu a asisti na e reunion pero ainda falta. Na e mes un momento ta compronde cu no ta tur por a bin mirando cu tabatin un opleiding andando y esaki sigur por compronde cu no ta tur hende por a presenta na e reunion. Den e reunion por a sinti cu e miembronan tin e deseo di un representante di sindicalismo den brandweer, e sentimentonan aki a bin mas fuerte na momento cu e presidente a dicidi di retira y ta mira e espacio awor aki pa por restructura unda cu ta trece aire y cara nobo den sindicato SINBA pa traha na beneficio di e bomberonan. Minimo 6 persona mester por postula nan mes pa por tin un maneho nobo di sindicato den brandweer. Segun Vicer presidente di SINBA tin personanan interesa, esaki sigur ta un bon señal y ta spera di por haya mas nomber cu tin mas deseo pa por postula nan mes pa e eleccion por wordo haci

Click aki bao like y share 👇🏽