Torneo di futbòl di Wardakosta selebrando 25 aña

Wikènt ku ta tras di lomba Wardakosta a tene un torneo di futbol na e vèlt na Mari Pampoen en
konekshon ku su hubileo di 25 aña di eksistensha. Na e torneo varios partnernan stratégiko di
hustisia na Kòrsou a partisipá, i a lucha pa e lugá di honor. E torneo a kuminsá djasabra atardi
ku un kompetensha di futbòl entre Wardakosta i Kuerpo Polisial Kòrsou. Trahadornan di
Wardakosta su punto di sosten na Aruba tambe a partisipá i djasabra nan a hunga un
kompetensha kontra di e ekipo di Sentro di Detenshon i Korekshon Kòrsou. Tabatin un esfera
ameno riba vèlt entre e ekiponan i tabatin hopi fanátiko presente pa grita pa nan tim.
Djadumingo tabatin e semi-final ku un kompetensha kandente entre e ekipo di e punto di sosten
di Wardakosta na Kòrsou i esun di Wardakosta di Aruba. E ganadó di e kompetensha aki
tabata e ekipo di Kòrsou ku mas lat den dia a hunga kontra e Milisianonan di Kòrsou, pa gana e
titulo ganador. Al final e ekipo di Milisia di Kòrsou a sali komo e ekipo di mas fuerte di e
kompetensha. E ekipo di Wardakosta su punto di sosten na Kòrsou a risibí e segundo lugá i e
terser posishon a bai pa e ekipo di Wardakosta su punto di sosten di Aruba. Douana a haña e
premio di e ekipo mas disipliná di e kompetensha. Wardakosta ta felisitá Milisia di Kòrsou ku
nan triunfo.