En konekshon ku Luna di Turismo
Tourism Corporation Bonaire (TCB) ta bai organisá pa di tres biaha un tremendo spùrtògt pa mucha relashoná ku Luna di Turismo. E spùrtògt ta tuma lugá riba djasabra 20 di sèptèmber 2025 entre 10 or di mainta i 12 or di mèrdia den área di Kralendijk.
Mucha entre 8 pa 12 aña por partisipá. Pa partisipá mester forma grupo di 5 mucha akompañá pa un adulto riba 21 aña. Pa partisipá mester pasa yena un formulario di partisipashon na TCB. Esaki ta kompletamente grátis. Último dia ku por inskribí ta djárason 10 di sèptèmber 2025.
Kada grupo mester presentá un fantasia di un trahe di fruta ku nan ta haña na momentu di inskripshon. E fantasia mester keda ilustrá den e paña ku nan ta bai bisti. Tin un premio pa esaki.
E spùrtògt ta konsistí di diferente sitio i áreanan turístiko i históriko ku e muchanan tin ku bishitá, kompañá tambe ku algun aktividat rònt di esaki. Despues di e spùrtògt tur partisipante ta risibí un lùnch i un goody bag komo opsekio di TCB.
E grupo ku tin mas punto i ku yega den e tempu stipulá ta bira ganadó di e spùrtògt. Ta saka sekuensia di ganadó di e siguiente manera: di tres lugá, di dos lugá i e ganadónan apsoluto di e spùrtògt. Tin premionan atraktivo ku lo keda entregá durante e Taste of Bonaire di djasabra 27 di sèptèmber na unda lo kulminá e luna di Turismo.
Pa mas informashon relashoná ku e spùrtògt, por tuma kontakto ku Angelo Domacasse na telefon 717-8322.
