Trabounan a sigui pa drecha diferente kaya na Boneiru. Esaki komo parti di e proyekto piloto di mantenshon struktural di kaya. Direktorado di Planifikashon i Desaroyo di Entidat Públiko Boneiru ta ehekutando e proyektonan di rekonstrukshon di kaya sigun e plan pa aña 2022.
Aktualmente e trabounan di fase tres na Kaya Neerlandia a inisiá. Na luna di desèmber 2021 a terminá ku fase dos. Fase tres lo tin un durashon di dos luna i ta spera ku e promé siman di aprel e trabounan lo ta kla pa asina por kuminsá ku fase kuater ku ta e parti enfrente e pòmp di gasolin. Un petishon ta bai na outomobilistanan pa tene kuenta ku e trabounan ku ta tumando lugá.
