Riba 30 di april 2023 alrededor di 5:25 pm durante di vigilancia na altura di Rum Reef/Nanki, e patruya di polis a tuma nota di un situacion den lama. E Patruya a mira un homber core bayendo rum Reef y un grupo di hende muhe cu tabata purba saca un hende muhe for di lama. E patruya di polis a bay yuda mesora y a logra saca e muhe for di awa y ta resulta cu ta sra E. Na promé instante e muhé no a reacciona. Despues cu un colega a duna e prome asistencia di reanima sra. E, e la saca awa y a habri su wowo nan. E ciudadanonan cu tabata den cercania no tabata famia di e sra, pero nan tambe a bin beach pa pasa un dia familiar y na momento cu nan a tende un hende grita nan a actua mesora pa yuda. Polisnan presenta mesora a raporta esaki y a manda mas patruya y un ambulance cu urgencia. Despues di un rato Sra. E a cuminsa puntra pa su casa, pero na mes momento por a tuma nota cu sra.E tabata bao di influencia di alcohol. Un rato despues Mr. F a yega na e sitio y a declara cu su casa tabata bebe alcohol y despues a bebe un pilder di drumi y despues a drenta lama. Ambulance a yega na e sitio y a atende cu e sra mesora.
Un Muhe bao influencia di alcohol a bebe pilder y drenta lama
