Cuerpo Policial reafirma su compromiso cu seguridad di nos isla y llama comunidad pa cooperacion.
Diaranson, durante ora di mainta, Unit Narcotica a realisa un entrada hudicial den un cas na Savaneta, relaciona cu un plantacion ilegal di marihuana. Durante e operacion, a haya un total di 62 mata di marihuana.
Dos hende homber a wordu detene oficialmente: L.R.J.V.D.N., naci na Aruba di 25 aña, y G.C.R., naci na Aruba di 55 aña. Durante e entrada hudicial, Unit Narcotica a haci uzo di su unidad di K-9, Flex Team y RRT pa sigura e zona y facilita e investigacion.
Cuerpo Policial ta reafirma su compromiso pa mante siguridad den isla y ta recorda comunidad cu cooperacion di cada ciudadano ta fundamental. Ciudadano cu tin informacion riba actividadnan ilicito por yama e tiplijn di Polis na 11141. Cualquier informacion cera trata estrictamente confidencial.