Update di situacion di homber perdi

Djabièrne último e Sentro di Reskate i Kordinashon di Wardakosta a risibí un petishon di
Kuerpo Polisial Kòrsou pa duna asistensha ku búskeda di un hòmber ku a kai den laman den
besindario di Shut na Kosta Nort di Kòrsou. E hòmber huntu ku un otro hòmber tabata
buskando kiwa, na momentu ku el a kai den laman. Helikopter di Wardakosta, Kuerpo Polisial di
Kòrsou i e avion Dash di Wardakosta tur a yuda den e búskeda pa e hòmber pèrdí. Tambe
CITRO i e barku di Marina Hulandes Zr. Ms. Groningen a keda informá pa keda stand-by pa
asistensha.
Ultimo dianan Wardakosta a desplegá e helikopter, a base di informashonnan ku a drenta, pa e
búskeda di e hòmber pèrdí. Lamentablemente despues di e búskeda riba laman i kantu di
kosta, e persona no a ser enkontrá. Wardakosta ta desea famia di e hòmber forsa.