CuracaoFeatured

Wardakosta ta ehekutá patruyanan di kontrol

Kustwacht 4

Wardakosta durante e periodo benidero lo ehersé patruyanan di kòntròl riba laman. E
kòntròlnan aki entre otro ta dirigí riba charter ilegal di botonan, komportashon peligroso ku
seadoo nan i otro tipo di infrakshonnan di botonan riba laman. E personal di Wardakosta
durante fin di siman ku a pasa tabata na Fùik i a ehersé diferente kòntròl einan. Durante e
kòntròlnan di fin di siman a duna un total di 16 prosèsverbal pa motibu di diferente infrakshon.
E patruyanan di kòntròl a keda hasí den koperashon ku Stichting Belasting Accountsbureau
(SBAB). Wardakosta a kontrolá si e botonan i seadoo nan tabatin nan dokumentonan di
nabegashon i tambe nan komportashon riba laman. Banda di esei tabatin di parti di SBAB
kòntròlnan severo riba uso di botonan di plaser komo boto komersial, na momentu ku tabatin e
sospecho ku botonan di plaser no ta registrá komo boto komersial i ku tampoko nan no tin e
dokumentonan apropiá pa esaki, nan a ser kontrolá. Durante e periodo benidero Wardakosta lo
bai ehersé mas di e patruyanan di kòntròl aki huntu ku SBAB riba laman i na playanan na
Kòrsou. Mantené bo mes na reglanan i sòru pa bo tin bo dokumentonan di nabegashon huntu
ku bo.
Wardakosta ta konsehá tur doño di boto pa laga hasi mantenshon frekuentemente na nan boto.
Sòru pa bo tin sufisiente medionan di seguridat i ekipo di reskate na bordo, tal manera:
salbabida, flèshlait, kaha di promé asistensha (EHBO), sufisiente awa, aparato pa paga
kandela, radio VHF òf telefon selular ku bateria kargá. Evitá ku bo boto ta daña na kaminda i
kubo tin un situashon peligroso riba laman ku bo boto i bo pasaheronan. Den kaso ku bo mester
di yudansa, bo por yama Wardakosta riba e number 913 of Whatsapp 005999 510 0913.

Kustwacht 1Kustwacht 2Kustwacht 3

Related posts

Guarda Costa ta yuda personanan den peliger cerca Sint Maarten

EA News Author

Abatuar di Barber a habri atrobe

EA News Author

Exigencia di consumidor ta competencia entre compañanan tambe

EA News Author

Leave a Comment

Whatsapp Message