PoliticaFeatured

WeConnect ta boga pa fortifica cooperacion cu Arubahuis

Weconnect.....

Directiva di Fundacion WeConnect a haci recientemente un bishita na Minister Plenipotenciario Guillfred Besaril. Tanja Fraai y Mike Ho Sam a duna un relato di nan bishita di trabao exitoso na Aruba, na comienso di e aña aki. Durante di e bishita aki nan a reuni cu minister di Enseñansa y Deporte Endy Croes y a bishita Colegio Arubano San Nicolas. Centenares di scolnan secundario ta haya un tayer pa scogemento di estudio. Tur esaki ta keda ofreci gratis pa e fundacion WeConnect.

Minister Plenipotenciario Guillfred Besaril tabata tin palabra di aprecio pa e actividadnan di WeConnect y a haci un suggestion. ‘Lo ta bon pa intensiva nos cooperacion, por ehempel pa comparti e programa anual di WeConect cu e Minister Plenipotenciario di Curaçao y St. Maarten.’ Tambe a papia riba e guia di studiantenan di Aruba cu ta bin Hulanda pa un studio riba nivel di MBO.

WeConnect ta concentra riba “empowerment” y pa traha riba independensia di e studiante Caribense. Via di tayernan e studiante ta haya herment pa haya nan caminda den e sociedad Hulandes. Asinaki lo tin pronto en cooperacion cu Haagse Hogeschool un tayer riba e topico con pa bai om cu placa.

Na final di e bishita placentero WeConnect a haci entrega di nan relato anual na Minister Plenipotenciario Guillfred Besaril.

Related posts

Parlamentario Endy Croes: E lucha ta sagrado! Mike Eman y AVP a redobla e debe nacional di 43% pa 93%. Cu ki cara Bo kier ta e salvador awor?

EA News Author

Banda cu ta muda pa edificio nobo proceso pa material y miho sistema pa KPA funciona ta den proceso

EA News Author

Latinonan a forma parti di e progreso di Boneiro hunto cu e Bonerianonan pa varios aña

EA News Author

Leave a Comment

Whatsapp Message