Un biaha mas Zr.Ms. Friesland a sa di kapturá un lote grandi di droga den Laman Caribe. Esei a sosedé na 2 akshon di intersepshon, unu riba 25 di yüni i e otro 3 di yüli. E kantidat total di e 3 kapturanan tabata 4.200 kilo. Awe esaki a keda publiká.
Wardakosta Merikano i un avion patruyero marítimo militar di Wardakosta Region Caribe a deskubrí e botonan ku kontrabanda. Friesland seguidamente durante e tres momentunan aki a drenta akshon direktamente. E barku a lansa su botonan rápido di intersepshon ‘FRISC’ den nan direkshon, meskos ku un helikòpter di Wardakosta Merikano. Eseinan konhunto a fòrsa e kontrabandistanan pa stòp.
E asina yamá ‘go-fast’ tres en total, tabatin un lote di narkótiko na bordo di respektivamente 700, 1.000 i 2.500 kilo. E droga a keda trasladá pa Wardakosta Merikano.
7.800 kilo
Zr.Ms. Friesland for di fin di mei ta operá komo barku di stashon den Region Caribe. For di e período ei e barku ya a interseptá por lo ménos 7.800 kilo di kontrabanda.
Marina ta traha durante operashonnan anti droga, interkambiando ku Wardakosta Region Caribe i Wardakosta Merikano. E barku di stashon tambe ta para kla pa brinda yudansa humanitario, por ehèmpel durante desasternan di naturalesa, tal manera orkan.
