ORANJESTAD,Aruba
Gabinete Wever-Croes a declara desde principio di e gobernacion aki, cu lo introduci Wever-Croes norm”.Diabierna Prome Minister Evelyn Wever-Croes a reuni cu sindicatonan STT, SIWA, ALFAST, STA y FTA. Esakinan ta sindicatonan cu ta representa trahadonan den companianan estatal. Topico general di e reunion tawata Wever-Croes Norm.
Sindicatonan tawata tin hopi pregrunta tocante e Wever-Croes Norm y e informacion a worde duna door di Prome Minister. E mandatario a splica e sindicatonan cu ya caba tawata e intencion di Gabinete Wever-Croes pa haci un estudio riba e salarionan di e directornan di companianan estatal pa tin e siguridad cu no tin salarionan mucho halto.
Hulanda a bin pone extra condicion riba Gobierno di Aruba entre otro pa baha e salarionan na 130 % di e salario reduci di e minister. Tambe mester duna esnan cu tey caba solamente dos aña pa baha salario. Hulanda a exigi pa pasa e ley aki prome cu 1 di october venidero.
Gabinete Wever-Croes a declara ya caba desde principio di e gobernacion aki, cu lo cambia esaki y lo introduci Wever-Croes norm. Ningun director di compania por gana mas cu 130% di e salario di un minister. Companianan estatal ta di pueblo y nan no tey pa enrikese ningun hende. Nan mester sirbi pueblo y comunidad. Nan mester garantisa sueldo di trahadonan cu ta traha cu alma y cuerpo pa e companianan por brinda servicio.
Gabinete Wever-Croes a institui un comision Corporate Governance cu ta haciendo e trabounan preliminario y ya caba a cuminsa cu encuestanan den companianan estatal. E ley lo wordo manda pa Parlamento pronto. Pues pronto Aruba lo conoce un maximo pa salarionan pa directornan di companianan estatal, cu lo inclui 130% di e salario di un minister”, Prome Minister a duna di conoce.